Besonderhede van die norme-en-standaarde (N&S) -toewysing vir u artikel 21-skool vir die boekjaar wat strek vanaf 1 April 2015 tot 31 Maart 2016 verskyn op SOBIS. Toegang kan daartoe verkry word deur die volgende te doen:

• Teken aan op SOBIS.
• Kies "Public Ordinary".
• Kies u skool.
• Kliek "Proceed". Beweeg die pyltjie oor die "Administration"-keuse-item op "Norms and Standards Allocation". Kies "N&S 2016".
• Druk die bladsy.

U aandag word op die volgende gevestig:

Nasionale Teikentabel vir die skooltoewysing gr 1-12 (2016-2018)

Skole sal hul N&S-toewysing vir die 2016/17-boekjaar in twee paaiemente ontvang, naamlik 60% in April-Mei 2016 en 40% in November 2016. Artikel 21-skole moet hul eerste oordragbetaling (60%), wat gedurende April-Mei 2016 gemaak sal word, gebruik om hulle leer- en onderrigondersteuningsmateriaal (LOOM, via hul eie verskaffers of die aanlynbestelstelsel) vir 2017 aan te koop sodat dit voor die einde van September 2016 beskikbaar sal wees, en ook om vir ander uitgawes te betaal, soos in paragraaf 3.1 hieronder bepaal. Die tweede oordragbetaling (40%) wat gedurende November 2016 gemaak sal word, moet gebruik word om toepaslike skoolverwante uitgawes tot aan die einde van die staat se boekjaar, nl. 31 Maart 2017, te dek.

20% van die totale N&S-toewysing wat in April-Mei 2016 oorbetaal word (sien paragraaf 2.1 hierbo), moet teruggehou word om die lopende bedryfs- nie-pesoneeluitgawes te dek. Skole sal in die N&S-toewysingsbrief van hierdie bedrag in kennis gestel word. Hou in gedagte dat die skool tot April 2017 met hierdie bedrag sal moet uitkom wanneer die betaling vir die nuwe boekjaar ontvang sal word.

Daar word vir 2016/17 voorgestel dat skole hul beskikbare toewysing soos volg tussen die onderskeie uitgawekategorieë verdeel:

• 30% vir LOOM-bestellings vir 2017 waarvan 10% spesifiek vir biblioteekmateriaal gereserveer moet wees. (Elke leerder moet 'n handboek vir elke vak he. Die voorraad skoolbiblioteekmateriaal moet jaarliks aangevul word totdat die totale aantal items die minimum van die internasionale standaarde van 10 items per leerder weerspieel. Sien paragraaf 3.1.1 hieronder vir die lys met items wat onder LOOM val.);
• 25% vir munisipale dienste (Skole kan egter begroot vir . groter persentasie as uitgawe-tendense dit noodsaak.);
• 25% vir instandhouding; en
• 20% vir plaaslike aankope.

1. Die Departement van Basiese Onderwys definieer LOOM as enige materiaal wat onderrig en leer direk in die klaskamer of by die huis (tuiswerk) ondersteun en fasiliteer. Dit sluit die volgende in:
   • Handboeke, leesboeke, naslaanboeke, voorgeskrewe werke, atlasse en woordeboeke;
   • Werkboeke;
   • Plakkate, land- en muurkaarte;
   • Opvoedkundige bordspeletjies;
   • Biblioteekmateriaal (fiksie en niefiksie), naslaanboeke, plakkate en video's wat vooraf opgeneem is, DVD's, oudiokassette, CD's, CD-ROM's, multimedia, ens.;
   • Rekenaarsagteware en lisensies; en
   • Hulpbronmateriaal vir opvoeders, leerders, klaskamer en biblioteek.

2. Daar word van skole verwag om hul volle LOOM-toewysing te gebruik vir die aankoop van LOOM wat die implementering van die Kurrikulum en Assesseringsbeleidsverklarings (KABV) in hulle klaskamers sal verryk en versterk. Skole word dus aangemoedig om hulle LOOM-toewysing te benut vir die aankoop van aanvullende handboeke, voorgeskrewe werke, atlasse, woordeboeke, werkboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie, naslaanboeke, video-opnames, DVD's, oudiokassette, CD's, CD-ROM's, rekenaarsagteware, verbruikerstudies en gasvryheidstudies en wetenskaplaboratoriumtoerusting.

3. Onderhewig aan die volgende voorwaardes, kan skole minder geld aan LOOM toewys:
   • indien elke leerder in die skool oor 'n handboek vir elke vak beskik en toegang tot ander LOOM-hulpbronne het;
   • indien die skool jaarliks 10% van die LOOM-toewysing vir die aankoop van biblioteekmateriaal gebruik het om die biblioteekvoorraad aan te vul en die totale aantal items in die biblioteekvoorraad nou bestaan uit die minimum internasionale standaard van 10 items per leerder; en
   • indien die beheerliggaam 'n formele besluit aangaande die afwyking geneem het. (Hierdie besluit van die beheerliggaam rakende die begroting wat aan . ouervergadering voorgele word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgelê word, ongeag of dit deur die IBB-bestuurder ondersteun word of nie.)

4. Hoe om LOOM te verkry
   • Artikel 21-skole moet mededingende kwotasies vir hul LOOM-bestellings van verskaffers van LOOM verkry, waar van toepassing, of hul versoeke aanlyn via SOBIS plaas wanneer dit vereis word;
   • Wanneer skole aanvullende LOOM bestel, moet skole alle KABV-handboeke uit die goedgekeurde nasionale katalogusse bestel (verwys na goedgekeurde nasionale katalogusse wat op die WKOD se webtuiste beskikbaar is by http://wcedonline.pgwc.gov.za/branchPS/LTSM/index.html);
   • Voorgeskrewe letterkunde vir graad 10 tot 12 vir 2015 moet gekies word uit die aanbevole boekelys wat onder skole gesirkuleer is.
   • Vir bystand met die kies van skoolbiblioteekmateriaal moet skole in verbinding tree Me Helene Johnston, die EDULIS-evalueerder: Kurrikulum Hulpbronne by tel. 021 957 9620. Die distrik se skoolbiblioteekadviseur en/of bronnesentrum-koordineerder kan ook in verband met die ontwikkeling van hul skoolbiblioteke gekontak word.

1. Die N&S-toewysing aan skole is bedoel vir die betaling van, onder andere, skole se maandelikse munisipalediensterekeninge, wat elektrisiteit, water, riool en vullisverwydering (beskikbaarheid- en gebruikskoste) insluit, maar die betaling van eiendomsbelasting uitsluit. Soos in die verlede, sal die staat die eiendomsbelasting op eiendom wat in die naam van die Provinsiale Regering van die Wes-Kaap (PRWK) of, onder sekere omstandighede, die Republiek van Suid-Afrika (RSA) geregistreer is, betaal.

2. Skole moet steeds, onder andere, die besparingsmaatreëls wat in Bylae A aangedui word, toepas.

3. ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hul elektrisiteitsverbruik beter te beheer. Skole moet Eskom of hul plaaslike munisipaliteit kontak, soos van toepassing, indien hulle voorafbetaalde elektrisiteitsmeters wil laat installeer.

4. Waar dit blyk dat skole nie hul munisipale rekeninge vereffen nie, behou die WKOD die reg voor om N&S-fondse wat aan daardie skole toegewys is, terug te hou om uitstaande munisipalediensterekeninge namens die betrokke skool te vereffen.

1. Daaglikse instandhouding sluit in die instandhouding van die terrein, skoonmaak, opknap, herstel en/of vervanging van gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk as gevolg van verwaarlosing nodig het.

2. Waar die N&S-toewysing vir daaglikse onderhoud onvoldoende is, word daar van skole verwag om, waar nodig, die toewysing vanuit eie skoolfondse aan te vul. Skole moet vir daaglikse instandhoudingsherstelwerk na gelang van die toestand van hul skoolgebou en terrein begroot. Skole moet 'n begrotingsbedrag van hul jaarlikse toewysing vir daaglikse instandhouding terughou vir die instandhouding van toerusting wat gebruik word om die skoolterrein te verbeter, bv. onderhoud van die grassnyer, die aankoop van verf vir banke op die skoolterrein, en die aankoop van kalk en kunsmis.

3. N&S-toewysings mag nie gebruik word vir daaglikse herstelwerk aan koshuise nie. Sodanige herstelwerk moet uit leerders se losiesgeld en .beurse befonds word.

• Besoldiging van personeel wat deur die beheerliggaam aangestel is;
• Nuwe geboue;
• Koshuisuitgawes;
• Lenings aan individue of ander instellings; of
• Voertuie

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, onderhewig aan die beskikbaarheid van fondse wat vir sodanige gebeurlikhede begroot is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

Ingevolge artikel 36(1) van die Suid-Afrikaanse Skolewet (SASW), 1996 (Wet 84 van 1996) soos gewysig, moet beheerliggame alle redelike stappe doen om die staatshulpbronne aan te vul ten einde die gehalte van onderwys wat deur die skool aan alle leerders by die skool voorsien word, te verbeter. Alhoewel geen-skoolgeld-skole nie verpligte skoolgeld (insluitende registrasiegelde) mag hef nie, word hulle egter aangemoedig om vrywillige bydraes te soek en by fondsinsamelingsfunksies betrokke te raak.

Die WKOD sal alle skole se leerderinskrywings met die 2016 10^de Dag Opname hersien. Finale toewysingsbriewe sal teen 31 Maart 2016 op SOBIS geplaas word.

Alle uitstaande WKOD 043-vorms vir artikel 21-skole moet voor Maandag 29 Februarie 2016 ingedien word om te voorkom dat onbetaalde fondse verbeur word.