Die norme-en-standaarde (N&S)-toewysing vir u nie-artikel 21 skool vir die boekjaar wat strek vanaf 01 April 2016 tot 31 Maart 2017 is op SOBIS beskikbaar. Toegang kan daartoe verkry word deur die volgende te doen:

• Teken aan op SOBIS.
• Kies "Public Ordinary".
• Kies u skool.
• Kliek op "Proceed". Beweeg die pyltjie oor die "Administration" -keuse-item en kliek op "Norms and Standards Allocation". Kies "N&S 2016".
• Druk die bladsy.

U aandag word op die volgende gevestig:

Nasionale Teikentabel vir die skooltoewysing gr 1-12 (2016-2018)

Nie-artikel 21-skole moet voor 15 April 2016 hul N&S-toewysing vir die boekjaar wat op 31 Maart 2017 eindig op vorm WKOD 032 in die vier kategorieë indeel, naamlik leer- en onderrigondersteuningsmateriaal (LOOM), plaaslike aankope, munisipale dienste en instandhouding. By ontvangs van die voltooide WKOD 032-vorm sal die Wes-Kaap Onderwysdepartement (WKOD) die begrotings noukeurig bestudeer. Skole sal verwittig word indien hul vorms nie in orde is nie sodat hulle hersiene WKOD 032-vorms kan indien.

Daar word vir 2016/17 voorgestel dat skole hulle beskikbare toewysing soos volg tussen die onderskeie uitgawekategorieë verdeel:

• 30% vir LOOM bestellings vir 2017 waarvan 10% spesifiek vir biblioteekmateriaal gereserveer moet wees. (Elke leerder moet 'n handboek vir elke vak he. Die voorraad skoolbiblioteekmateriaal moet jaarliks aangevul word totdat die totale getal items die minimum van die internasionale standaard van 10 items per leerder weerspieel. Sien paragraaf 3.1.1 hieronder vir die lys van items wat onder LOOM val.);
• 25% vir munisipale dienste. (Skole moet egter begroot vir 'n groter persentasie as uitgawe-tendense dit vereis.);
• 25% vir instandhouding; en
• 20% vir plaaslike aankope.

Die verskuiwing van fondse op die WKOD 032-vorm moet teen 30 September 2016 gefinaliseer wees.

1. Die Departement van Basiese Onderwys (DBO) definieer LOOM as enige materiaal wat onderrig en leer direk in die klaskamer of by die huis (huiswerk) ondersteun en fasiliteer. Dit sluit die volgende in:
   • Handboeke, leesboeke, naslaanboeke, voorgeskrewe werke, atlasse en woordeboeke;
   • Werkboeke;
   • Plakkate, kaarte en muurkaarte;
   • Opvoedkundige bordspeletjies;
   • Biblioteekmateriaal (fiksie en niefiksie), naslaanboeke, plakkate, en videos wat vooraf opgeneem is, DVD's, oudiokassette, CD's, CD-ROM's, multimedia, ens.;
   • Rekenaarsagteware en lisensies; en
   • Hulpbronmateriaal vir opvoeders, leerders, klaskamer en biblioteek.

2. Daar word van skole verwag om hul volle LOOM-toewysing te gebruik vir die aankoop van LOOM wat die implementering van die Kurrikulum-en-assesseringsbeleidsverklarings (KABV) in hul klaskamers sal verryk en versterk. Skole word dus aangemoedig om hul LOOM-toewysing vir die aankoop van aanvullende handboeke, voorgeskrewe werke, atlasse, woordeboeke, werkboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie), naslaanboeke, video-opnames, DVD's, oudiokassette, CD's, CD-ROM's en rekenaarsagteware, verbruikerstudies en gasvryheidstudies en wetenskaplaboratoriumtoerusting te benut.

3. Onderhewig aan die volgende voorwaardes, kan skole minder geld aan LOOM toewys mits:
   • elke leerder in die skool oor 'n handboek vir elke vak beskik en toegang tot ander LOOM-hulpbronne het;
   • die skool jaarliks 10% van die LOOM-toewysing vir die aankoop van biblioteekmateriaal gebruik het om die biblioteekvoorraad aan te vul en die totale getal items in die biblioteekvoorraad nou bestaan uit die minimum internasionale standaard van 10 items per leerder; en die beheerliggaam 'n formele besluit aangaande die afwyking geneem het. (Hierdie besluit van die beheerliggaam rakende die begroting wat aan 'n ouervergadering voorgele word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgele word, ongeag of dit deur die IBB-bestuurder ondersteun word of nie.)

4. Hoe om LOOM te verkry: Nie-artikel 21-skole moet die voorgeskrewe prosedure volg in Bylae A.
   • In ooreenstemming met die Provinsiale Tesourie-instruksies, sal die WKOD die LOOM versoeke van alle nie-artikel 21-skole adverteer op die elektroniese aankoopstelsel wat deur Ariba bestuur word. Hierdie stelsel laat kompeterende bieëry toe ingevolge die wetgewing gepromulgeer ingevolge die Wet op die Raamwerk vir Voorkeurverkrygingsbeleid, 2000 (Wet 5 van 2000).
   • Skole moet alle LOOM-aanvullings vanaf die goedgekeurde nasionale katalogusse kies wat op die WKOD se webtuiste beskikbaar is by http://wcedonline.pgwc.gov.za/branchPS/LTSM/index.html
   • Vir bystand met die kies van skoolbiblioteekmateriaal moet skole met Me Heléne Johston, die EDULIS-evalueerder: Kurrikulumhulpbronne by tel. 021 957 9620 in verbinding tree. Die onderwysdistrik se skoolbiblioteekadviseur en/of bronnesentrum-koördineerder kan ook in verband met die ontwikkeling van skoolbiblioteke gekontak word.

1. Die N&S-toewysing aan skole is bedoel vir die betaling van, onder andere, hulle maandelikse munisipalediensterekeninge, bv. elektrisiteit, water, riool en vullisverwydering, (beskikbaarheid- en gebruikskoste), maar sluit die betaling van eiendomsbelasting uit. Soos in die verlede, sal die staat die eiendomsbelasting op eiendom wat in die naam van die Provinsiale Regering van die Wes-Kaap (PRWK) of, onder sekere omstandighede, die Republiek van Suid-Afrika (RSA) geregistreer is, betaal.

2. Enkele skole het aangedui dat hulle nie hul eie munisipale dienste wil bestuur nie en hul rekeninge sal steeds deur die betrokke distrikskantore betaal word. Die distriksamptenare sal elke maand elke skool van afskrifte van sy rekeninge voorsien sodat dit nagegaan en daar bevestig kan word dat die rekeninge korrek is. Die WKOD 032-bedrag verteenwoordig dit waarvoor die WKOD aanspreeklik sal wees en dit sal gebruik word om vir munispale dienste te betaal. Skole sal aanspreeklik wees vir die vereffening van enige munisipale skuld aangegaan meer as waarvoor begroot is.

3. Nie-artikel 21-skole moet aan die hand van vorige jare se uitgawes aan hierdie dienste plus inflasieaanpassings, die bedrag bereken wat hulle opsy sit vir munisipale dienste en dit op die WKOD 032-vorm aandui. Hierdie bedrag, en instandhoudingsgelde, sal gelyktydig betaal word aan daardie skole wat die funksie aanvaar het. Waar die N&S-toewysing vir munisipale dienste onvoldoende is, word daar van skole verwag om, waar nodig, die toewysing vanuit hul eie inkomste aan te vul.

4. Skole moet steeds, onder andere, die besparingsmaatreëls wat in Bylae B aangedui word, toepas.

5. ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hul elektrisiteitsverbruik beter te beheer.

6. Waar dit blyk dat skole nie hul munisipale rekeninge vereffen nie, behou die WKOD die reg voor om fondse uit die N&S-toewysing terug te hou vir die betaling van uitstaande skuld namens die betrokke skool.

1. Daaglikse instandhouding sluit in die instandhouding van die terrein asook die skoonmaak, instandhouding, opknap, herstel en/of vervanging van spesifieke gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk a.g.v. verwaarlosing nodig het.

2. Waar die N&S-toewysing vir daaglikse onderhoud onvoldoende is, word van skole verwag om die toewysing aan te vul vanuit eie skoolfondse, waar nodig. Skole moet begroot vir daaglikse instandhouding na gelang van die toestand van hulle skoolgeboue en terrein.

3. Skole moet 'n begrote bedrag van sy jaarlikse toewysing vir daaglikse instandhouding terughou vir die instandhouding van toerusting wat gebruik word om die skoolterrein te verbeter, bv. onderhoud van die grassnyer, die aankoop van verf vir banke op die skoolterrein, en die aankoop van kalk en kunsmis.

4. N&S-toewysings mag nie gebruik word vir daaglikse herstelwerk aan koshuise nie. Sodanige herstelwerk moet uit leerders se losiesgeld en -beurse befonds word.

• Besoldiging van personeel wat deur die beheerliggaam aangestel is;
• Nuwe geboue;
• Koshuisuitgawes;Lenings aan individue of ander inrigtings; ofVoertuie

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, onderhewig aan die beskikbaarheid van fondse wat vir hierdie gebeurlikhede begroot is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

Ingevolge artikel 36(1) van SASW moet beheerliggame alle redelike stappe doen om die staatshulpbronne aan te vul ten einde die gehalte van onderwys wat deur die skool aan alle leerders by die skool gebied word, te verbeter. Alhoewel geen-skoolgeld-skole nie verpligte skoolgeld (insluitende registrasiegelde) mag hef nie, word hulle egter aangemoedig om vrywillige bydraes (donasies) te soek en by fondsinsamelingsfunksies betrokke te raak.

Aansoeke om te verander van nie-artikel 21-status na artikel 21-status moet voor 26 Februarie 2016 op die aangehegte aansoekvorm (Bylae C) ingedien word. Suksesvolle skole sal eers vanaf die aanvang van die daaropvolgende boekjaar artikel 21-status ontvang, d.w.s. met ingang van 01 April 2016.

Die WKOD sal alle skole se leerderinskrywings hersien met die 2016 10de Dag Opname. Finale toewysingsbriewe sal teen 31 Maart 2016 op SOBIS gepubliseer word.

Die fondse wat ingevolge Omsendbrief 0054/2014 aan skole toegewys is, moet voor 31 Maart 2016 deur skole bestee word.