1. Na die besluit van SDKBR Resolusie 2 van 2015 mag alle werknemers wat permanent aangestel is of hul proeftyd uitdien aansoek doen om die betaaldatum van hul 13de tjek/diensbonus te wysig. Hierby aangeheg is 'n omsendbrief van die Departement van Staatsdiens en Administrasie (DSDA) in hierdie verband. Hierdie bepaling geld ook vir opvoeders.

2. Die volgende voorwaardes sal met betrekking tot die wysiging geld:

  1. Werknemers mag eenmalig 'n betaaldatum kies waarop hul 13de tjek/diensbonus betaal moet word.
  2. Dienende werknemers moet hul versoeke teen 16 November 2015 indien.
  3. Personeel wat met ingang van 01 November 2015 aangestel is, sal op hul aanstellingsdatum toegelaat word om eenmalig op die datum vir die betaling van hul 13de tjek/diensbonus te besluit.
3. Die nuwe betaaldatums tree op 01 Maart 2016 in werking. Indien geen versoek vir 'n verandering ten opsigte van die betaaldatum ingedien word nie, sal die werknemers steeds hul 13de tjek/diensbonus in hul verjaardagmaand ontvang.

4. Volledig ingevulde versoekvorms (hierby aangeheg) moet voor of op 16 November 2015 na Direktoraat Diensvoordele by Hoofkantoor gestuur word.

5. Bring asseblief die inhoud van hierdie omsendbrief onder die aandag van alle personeel.


GETEKEN: PA VINJEVOLD
HOOF: ONDERWYS
DATUM: 2015:11:04

"DPSA Circular"  (grootte: 58 KB)
"Request Form"  (grootte: 33 KB)