1. Omsendbrief 0034/2015 het gemeld dat werkboeke vir graad R- tot 9-leerders vir die eerste 6 maande van 2016 by alle openbare skole afgelewer sal word. Hierdie werkboeke is teen 30 September 2015 ten volle by alle openbare skole afgelewer. Die graad R-werkboeke bestaan uit Boek 1 en 2 (1ste Kwartaal en 2de Kwartaal) en die graad 1- tot 9-werkboeke bestaan Volume 1 (1ste Kwartaal en 2de Kwartaal).
2. Ten einde werkboektekorte en -oorskotte vir graad R tot 9 te identifiseer, moet alle skole tussen 26 en 30 Oktober 2015 toegang tot SOBIS verkry. Gedurende hierdie tyd moet skole hul geraamde leerdertalle vir 2016 asook die totale getal werkboeke wat per vak vir graad R tot 9 ontvang is, op SOBIS vaslê en afteken.
3. Wanneer toegang tot SOBIS verkry is, moet skole die "Administration"-opsie op die keuselys kies. Kies "Workbooks" op die aftreklysie en dan die "Welcome and guidelines"- of "Capture"-skerm.
4. Die volgende persone kan gekontak word indien u bystand benodig met die vaslegging van u besonderhede en die aftekenproses:

Vuyelwa Madasi (tel. no. 021 467 2108 of e-posadres vuyelwa.madasi@westerncape.gov.za

Bongiwe Nkwali (tel. no. 021 467 2221 of e-posadres bongiwe.nkwali@westerncape.gov.za

Kashiefa Sedien (tel. no. 021 467 2553) of e-posadres kashiefa.sedien@westerncape.gov.za
5. Sodra al die skool se werkboekbesonderhede vir die spesifieke fases vasgelê is, moet die aftekenproses voltooi word.
6. Die inligting wat rakende werkboektekorte en -oorskotte ingewin is, sal beskikbaar gestel word aan distriksbeamptes wat vir die fasilitering en verspreiding van werkboektekorte en -oorskotte verantwoordelik sal wees.
7. Bring asseblief die inhoud van hierdie omsendbrief onder die aandag van alle betrokke personeellede.


GETEKEN: PA VINJEVOLD
HOOF: ONDERWYS
DATUM: 2015:10:09