1. Artikel 6B van die Wet op Indiensneming (WIO), 1998 (Wet 76 van 1998) maak voorsiening vir die omskakeling van die aanstellingstatus van opvoeders van tydelik/kontrak na permanent.

'n Tydelike opvoeder is 'n opvoeder wat tans vir 'n geslote tydperk in 'n goedgekeurde, vaste, vakante Posvlak 1-pos in 'n tydelike hoedanigheid aangestel is. Hierdie definisie is nie van toepassing op opvoeders wat in 'n waarnemende hoedanigheid in vakante, vaste bevorderingsposte aangestel is nie en ook nie op plaasvervangers vir permanent aangestelde opvoeders wat, om watter rede ook al, tans afwesig is nie.

Opvoeders wat reeds die geleentheid van 'n omvangryke loopbaan in die onderwys gehad het, byvoorbeeld diegene wat afgetree het (in enige kategorie), vroeg afgetree het, weens swak gesondheid uit die diens ontslaan is of wat 'n skeidingspakket, van watter aard ook al, geneem het, word uitgesluit van die maatreels soos vervat in hierdie omsendbrief.

Opvoeders wat uit die onderwys (nasionaal of provinsiaal) bedank het, mag slegs na 'n tydperk van twaalf maande na bedanking vir die omskakeling van hul aanstellingstatus van tydelik/kontrak na permanent oorweeg word. Verwys asseblief na paragraaf 3.3 hieronder.

Poste wat in 2014 en 2015 in 'n vakaturelys geadverteer is en nog nie gevul is nie, kan ook vir permanente vulling ingevolge die maatreels soos in hierdie omsendbrief vervat, oorweeg word.

2. Die omskakeling van 'n tydelike aanstelling na 'n permanente aanstelling is na goeddunke van die Hoof van Onderwys.

3. Die WKOD het, in oorlegpleging met die onderwysunies wat in die Provinsiale Raad op Arbeidsverhoudinge in die Onderwys verteenwoordig word, die volgende maatstawwe vir die omskakeling van die aanstellingstatus van opvoeders van tydelik na permanent ingevolge artikel 6B van die WIO, 1998 goedgekeur:
3.1 Die permanente aanstelling moet gemaak word in 'n vakante, vaste posvlak 1-pos en die pos moet in die goedgekeurde opvoederdiensstaat van die skool weerspieel word.
3.2 Wanneer die betrokke opvoeder om 'n omskakeling aansoek doen, moes hy/sy vir 'n onafgebroke tydperk van minstens een jaar in 'n tydelike hoedanigheid in diens gewees het.
3.3 Die opvoeder moet aan die volgende kriteria voldoen om vir die omskakeling van sy/haar tydelike/kontrakstatus na permanent oorweeg te word:

  • professioneel vir die onderwysprofessie gekwalifiseer wees,
  • aan die inherente vereistes verbonde aan die pos, waarin sy of haar omskakeling gemaak sal word, voldoen;
  • by die Suid-Afrikaanse Raad van Opvoeders (SARO) geregistreer wees; en
  • opvoeders wat uit die onderwys (nasionaal of provinsiaal) bedank het, mag slegs na 'n tydperk van twaalf maande na bedanking vir die omskakeling van hul aanstellingstatus van tydelik/kontrak na permanent oorweeg word.
4. Tydelike opvoeders wat belangstel om aansoek te doen om die omskakeling van hul tydelike poste na permanente poste ingevolge artikel 6B van die WIO, 1998, moet 'n ingevulde DPE 1-vorm (Aansoek om aanstellingsvorm) tesame met 'n motiveringsbrief via die beheerliggaam by die WKOD indien. Aansoeke moet na die volgende adres gestuur word:

Direktoraat: Werwing en Keuringsentrum
Wes-Kaap Onderwysdepartement
Privaatsak X9183
Kaapstad
8000


5. Aansoeke vir die omskakeling van tydelike aanstellings na permanente aanstellings sal slegs oorweeg word indien dit vergesel word van 'n bevestiging vanaf die betrokke beheerliggaam en skoolhoof dat:
5.1 geen botallige opvoeders beskikbaar is nie; en
5.2 . onlangs gekwalifiseerde opvoeder nie gevind of gewerf kon word nie.

6. Indien die beheerliggaam nie die omskakeling van die opvoeder se aanstellingstatus van tydelik/kontrak na permanent ondersteun nie, moet die beheerliggaam 'n skriftelike en geldige motivering gee waarom die omskakeling nie ondersteun word nie.

7. Indien die pos vakant word terwyl die opvoeder as plaasvervanger in die pos diens doen en die opvoeder aan die vereistes voldoen, kan diensdoenende plaasvervanger-opvoeders ook, ooreenkomstig die maatreels soos vervat in hierdie omsendbrief, vir permanente aanstelling oorweeg word. Beheerliggame en prinsipale moet verseker dat die uitsluitings genoem in paragraaf 1 toegepas word.

8. Die WKOD het die wyse waarop artikel 6B van die WIO, 1998 tot nou toegepas is, hersien en bevestig dat die omskakelingsproses ingevolge artikel 6B van die WIO, 1998, soos gestipuleer, omskakelings deurgaans toelaat.

9. Die maatreels wat in hierdie omsendbrief vervat is, word nie deur die maatreels vervat in paragraaf 7 van Omsendbrief 0042/2015, gedateer 20 Augustus 2015, geaffekteer nie, d.w.s. die maatreels wat in hierdie omsendbrief vervat is, kry voorkeur bo die maatreels in Omsendbrief 0042/2015, gedateer 20 Augustus 2015, wat die omskakeling van die aard van die aanstelling van opvoeders van kontrak/tydelik na permanent betref.

10. Prinsipale word versoek om seker te maak dat hierdie omsendbrief onder die aandag van hul beheerliggame en alle opvoeders op hul personeel gebring word, veral diegene wat in 'n tydelike en/of plaasvervangerhoedanigheid aangestel is.

11. Hierdie omsendbrief is op gewone publieke skole en spesiale publieke skole van toepassing.


GETEKEN: PA VINJEVOLD
HOOF: ONDERWYS
DATUM: 2015:10:08

"Employment of Educators Act (EEA), 1998 (Act 76 of 1998)"  (grootte: 160 KB)
"Verification Certificate"  (grootte: 63 KB)