| 1. |
Artikel 6A van die Wet op die Indiensneming van Opvoeders (WIO), 1998 (Wet 76 van 1998) maak voorsiening vir die aanstelling van onlangs gekwalifiseerde opvoeders in 'n permanente hoedanigheid sonder dat die vaste pos in 'n vakaturelys geadverteer moes word.
'n Onlangs gekwalifiseerde opvoeder is 'n finalejaarstudent of 'n gekwalifiseerde opvoeder wat binne die afgelope twee jaar gekwalifiseer het en nog nooit die geleentheid gehad het om 'n permanente opvoederspos in diens van die staat te beklee nie.
|
| 2. |
Die aanstelling in 'n permanente pos, soos hierbo in die vooruitsig gestel, is na goeddunke van die Hoof van Onderwys. |
| 3. |
Aansoeke vir die aanstelling van 'n onlangs gekwalifiseerde opvoeder in 'n permanente hoedanigheid sal slegs oorweeg word indien dit vergesel word deur bevestiging van die beheerliggaam en prinsipaal dat 'n botallige opvoeder nie gevind of gewerf kon word nie. |
| 4. |
Onlangs gekwalifiseerde opvoeders kan (onmiddellik) sonder die advertering van die pos op die volgende voorwaardes in 'n permanente hoedanigheid aangestel word: |
| 4.1 |
Die permanente aanstelling moet gemaak word in 'n vakante, vaste posvlak 1-pos en die pos moet in die nuwe opvoederdiensstaat van die inrigting vir 2015 weerspieel word. |
| 4.2 |
Die onlangs gekwalifiseerde opvoeder moet:
- professioneel vir die onderwysprofessie gekwalifiseerd wees;
- aan die inherente vereistes van die pos voldoen waarin die aanstelling gemaak sal word; en
- by die Suid-Afrikaanse Raad van Opvoeders (SARO) geregistreer wees.
|
| 5. |
Indien die beheerliggaam nie die permanente aanstelling van die onlangs gekwalifiseerde opvoeder ondersteun nie, moet die beheerliggaam 'n skriftelike en geldige motivering gee waarom die aanstelling nie ondersteun word nie. |
| 6. |
Die nominasies vir aanstelling in 'n permanente hoedanigheid moet na die volgende adres gestuur word:
Direktoraat: Werwing en Keuring
Wes-Kaap Onderwysdepartement
Privaatsak X9183
Kaapstad
8000
|
| 7. |
Beheerliggame en prinsipale kan 'n lys met die Funza Lushaka-beurshouers by die Direktoraat: Werwing-en-keuring aanvra om geskikte kandidate vir aanstelling te werf en te keur. |
| 8. |
Prinsipale word versoek om te verseker dat hierdie omsendbrief onder die aandag van hul beheerliggame en opvoeders gebring word. |
| 9. |
Hierdie omsendbrief is op gewone publieke skole en spesiale publieke skole van toepassing. |
GETEKEN: PA VINJEVOLD
HOOF: ONDERWYS
DATUM: 2015:10:07
|
 |