1. Die aangehegte Handleiding vir die Standaard Bedryfsprosedures vir die bestuur van leerdervervoerskemas (LVS’e) is dadelik op alle gewone openbare skole in die Wes-Kaap met Wes-Kaap Onderwysdepartement (WKOD)-befondse LVS’e van toepassing. Hierdie dokument moet saam met die LVS-beleid en die hersiene WKODtoelatingsbeleid gelees word.
2. Hierdie Omsendbrief vervang Omsendbrief 0046/2012, gedateer 3 Desember 2012.
3. Prinsipale en distriksdirekteure word versoek om hierdie beleidsdokumente aan alle belanghebbendes en persone wat daardeur geraak word bekend te maak, veral beheerliggaamlede, skoolpersoneel en distrikskantooramptenare wat met die administrasie van LVS’e te make het.
4. Opleiding van die betrokke personeel om die goeie administrasie van LVS’e te verseker, sal waardeer word.


GETEKEN: PA VINJEVOLD
HOOF: ONDERWYS
DATUM: 2015:09:02

Handleiding vir standaard bedryfsprosedures (SBP) vir leerdervervoerskemas (LVS’e)  (grootte: 144 KB)
Aansoek: Leerdervervoerskemas  (grootte: 76 KB)
Aansoek om afwenteling van 'n bestaande leerdervervoerskema  (grootte: 64 KB)
Leerdervervoerskemas: Voertuiginspeksiekontrolelys  (grootte: 88 KB)
Leerdervervoerskemas: Voertuiginspeksieverslag  (grootte: 92 KB)
Leerdervervoerskemas: Vervanging van voertuig/voertuie  (grootte: 78 KB)
Register van leerders wat gebruik maak van busvervoer  (grootte: 16 KB)
Eis vir Vervoer van leerders aan die hand van die voltooide WKOD 062  (grootte: 20 KB)