1. |
Let asseblief daarop dat die bestelproses in hierdie omsendbrief slegs op artikel 21 skole van toepassing is. |
2. |
Die Wes-Kaap Onderwysdepartement (WKOD) het twee afsonderlike kontrakte aangegaan vir die voorsiening en aflewering van skryfbehoeftes en skoonmaakmiddels vir die tydperk van 1 Maart 2015 tot 31 Maart 2017 om die bestelprosesse te verbeter en te bespoedig. |
3. |
Gedurende Mei en Augustus 2015, sal artikel 21 skole 'n geleentheid gebied word om skryfbehoeftes en skoonmaakmiddels direk vanaf die diensverskaffers wat deur die WKOD gekontrakteer is, te bestel. |
4. |
Die voordele om by hierdie diensverskaffers te bestel, sluit in: laer pryse per item en aflewering by die skool. |
5. |
Daar word versoek dat die volle bestelling vir die 2016-skooljaar gedurende die bestelgeleentheid in Mei 2015 geplaas word om te verseker dat skryfbehoeftes en skoonmaakmiddels voor die begin van die nuwe skooljaar afgelewer word. Betaling vir skryfbehoeftes en skoonmaakmiddels wat ontvang word, moet direk met die diensverskaffer uitgeklaar word. |
6. |
Indien u bewus sou word van die behoefte vir die aankoop van bykomende skryfbehoeftes en skoonmaakmiddels vir gebruik in 2016, sal 'n aanvulling-geleentheid weer gedurende Augustus 2015 aan artikel 21 skole gegee word. |
7. |
Bestellings vir skryfbehoeftes vir skole in alle onderwysdistrikte moet direk by die volgende diensverskaffer, wat deur die WKOD gekontrakteer is, geplaas word.
|
Masiqhame Trading 1057 CC Blinkwater Crescent 30 Edgemead 7441 Telefoonno.: 021 558 9947 Skakelpersoon: Mnr G Daniels |
|
8. |
Bestellings vir skoonmaakmiddels sal by twee verskillende diensverskaffers, wat deur die WKOD gekontrakteer is, geplaas word. |
8.1 |
Die bestellings vir skoonmaakmiddels vir skole in die metropool onderwysdistrikte, moet direk by die volgende diensverskaffer geplaas word:
|
RC Suppliers Klaverstraat 14 Sybrand Park Rondebosch 7700 Telefoonno.: 021 696 9361 Skakelpersoon: Me R Blankenaar |
|
8.2 |
Die bestellings vir skoonmaakmiddels vir skole in die landelike onderwysdistrikte, moet direk by die volgende diensverskaffer geplaas word:
|
Amanthi Traders CC Nicestraat 2 Uitzicht 7550 Telefoonno.: 021 976 7938 Skakelpersoon: Me M Gouveia Ferreira |
|
9. |
Katalogusse met skryfbehoeftes en skoonmaakmiddel items en die prys per item is hierby aangeheg. Verseker asseblief dat u slegs na die katalogusse wat op u onderwysdistrik van toepassing is, verwys. Die pryse wat voorsien word, sluit aflewering by u skool in. |
10. |
Dit is baie belangrik vir skole om versigtig te wees in die bepaling van hoe hulle norme en standaarde en ander skoolbefondsing bestuur word om aan al die nodige leerder- en skoolvereistes te voldoen. |
11. |
Bring asseblief die inhoud van hierdie dokument onder die aandag van alle betrokke beamptes. |
GETEKEN: PA VINJEVOLD
HOOF: ONDERWYS
DATUM: 2015:02:25
|
|