| 1. |
Die Departement van Basiese Onderwys (DBO) het Omsendbrief S13 van 2015 uitgereik oor die inkrementele implementering van VOO-literatuur vanaf 2016 tot 2018. |
| 2. |
Na deeglike raadpleging het die DBO besluit dat graad 11 in 2016, graad 12 in 2017 en graad 10 in 2018 geimplementeer behoort te word. |
| 3. |
Die DBO het nie nuwe voorgeskrewe boeke vir graad 12-letterkunde vir enige amptelike taal op Huis-, Eerste en Tweede Addisionele Taalvlakke vir die Nasionale Senior Sertifikaat-eksamen in November/Desember 2016 en Februarie/Maart 2017 voorgeskryf nie. Hierdie status quo sal vir hierdie tydperkhandhaaf word. Skole word versoek om hul onderskeie voorgeskrewe tekste te bestudeer soos bepaal in:
- DBO Omsendbrief S8 van 2007 - Amptelike Tweede Addisionele Tale;
- DBO Omsendbrief S4 van 2008 - Amptelike Huistale en Eerste Addisionele Tale;
- DBO Omsendbrief S2 van 2009 - Afrikatale (Eerste Addisionele Tale); en
- DBO Omsendbrief S15 van 2014 - Afrika-huistale (Folklore).
|
| 4. |
Soos bepaal in die DBO Omsendbrief S13 van 2013 bly die status quo by skole vir die voorgeskrewe graad 12-gedigte vir alle amptelike Huistale, Eerste Addisionele Tale asook kortverhale vir amptelike Eerste Addisionele Tale en Tweede Addisionele Tale in plek vir die Nasionale Senior Sertifikaat-eksamen tot November/Desember 2016 en Februarie/Maart 2017. |
| 5. |
Die Wes-Kaap Onderwysdepartement (WKOD) sal met die verkryging van die graad 12-voorgeskrewe boeke help wat in 2017 in gebruik geneem word. Skole sal in April 2016 die geleentheid kry om hierdie handboeke te bestel. |
| 6. |
Die WKOD kan nie met die verkryging van graad 11-voorgeskrewe boeke help wat volgende jaar in gebruik geneem word nie. Skole word aangemoedig om hul norme en standaarde-befondsing te gebruik, indien moontlik, anders moet bestaande boeke volgende jaar in graad 11 gebruik word. Verwys asseblief na die aangehegte nasionale katalogus (Bylae A) indien u skool beplan om nuwe graad 11-voorgeskrewe boeke vir 2016 aan te koop. |
| 7. |
Skole moet aan die volgende KABV-vereistes voldoen indien hulle voorgeskrewe boeke bestel:
vir Huistaal: een roman, een digbundel en een drama. Vir Afrika-tale kan die roman met volksoorleweringe vervang word.
vir Eerste Addisionele Taal: enige twee van die genres: roman, digkuns, drama en kortverhale
vir Tweede Addisionele Taal: enige een van die genres: roman, digkuns, drama en kortverhale.
|
| 8. |
Skole (artikel 21 en nie-artikel 21) wat voldoende beskikbare norme en standaarde-befondsing het en graag VOO-letterkunde vanaf die nasionale katalogus wil bestel, moet die aangehegte patroonplaat oor die vereiste hoeveelheid voorgeskrewe boeke voltooi. Dui die aantal boeke aan wat per genre benodig sal word.
Die patroonplaat bevat ingeboude formules om die totale beraamde koste, insluitend die afleweringskoste, te bereken.
Die voltooide patroonplaat moet teen 09 September 2015 per e-pos na die volgende adres gestuur word: AlexandraMaria.Henriques@westerncape.gov.za.
|
| 9. |
U word vriendelik versoek om hierdie omsendbrief onder die aandag van alle betrokke skole en onderwysers te bring. |
GETEKEN: PA VINJEVOLD
HOOF: ONDERWYS
DATUM: 2015:09:03
|
 |