| 1. |
Skole word hartlik bedank vir die voltooiing van hul kwartaalprestasie-verslae vir die eerste en tweede kwartaal. |
| 2. |
Die Wes-Kaap Onderwysdepartement (WKOD) kan bevestig dat die instrument skole en amptenare help om vakke in spesifieke grade te identifiseer wat regdeur die jaar bykomende ondersteuning benodig. |
| 3. |
Die WKOD het 'n duidelike behoefte geīdentifiseer om elke leerder se akademiese prestasie kwartaaliks na te spoor. |
| 4. |
'n Bykomende kenmerk is by die kwartaalprestasie-module op SOBIS gevoeg. Dit dui basies aan of leerders aan die vorderingsvereistes voldoen het. |
| 5. |
Skole moet hul kwartaalprestasie-verslae teen Vrydag, 16 Oktober 2015 voltooi in ooreenstemming met die geskeduleerde kwartaalprogramdatums wat in Omsendbrief 0013/2015 uitgereik is:
| KWARTAAL |
KWARTAALPRESTASIE VASLEGGINGSDATUM |
| 3 |
Vrydag, 16 Oktober 2015 |
| 4 |
Vrydag, 11 Desember 2015 (slegs graad 1 11) |
|
| 6. |
Die verstekstelling vir elke individuele leerder dui aan dat die leerder aan die vereistes vir progressie en bevordering voldoen het. |
| 7. |
Die administrateur moet dus slegs die status verander van leerders wat: |
| 7.1 |
Nie aan die bevorderingsvereistes voldoen het nie; of |
| 7.2 |
Geregisteer is maar nie geassesseer is nie. |
| 8. |
'n Aanwyser is ook ingesluit om skole en amptenare te help om leerders na te spoor wat na die volgende graad gevorder het as gevolg van die aantal jare wat die leerder in die fase deurgebring het. |
| 9. |
Om toegang tot die vasleggingskerm op SOBIS te verkry, gaan na die:
- "Assessments" oortjie;
- Kies "Term Performance" in die aftuimellys;
- Kies "Per learner Term performance";
- Kies "Capture Grade";
- Verander die status van leerders soos beskryf in par. 6; en
- Sodra dit voltooi is, kliek op die opdateerknoppie en die uitslae sal gestoor word.
|
| 10. |
Prinsipale word versoek om die inhoud van hierdie omsendbrief aan alle opvoeders beskikbaar te stel. |
GETEKEN: PA VINJEVOLD
HOOF: ONDERWYS
DATUM: 2015:08:04
|
 |