1. Hierdie omsendbrief is hersien en herroep Omsendbrief 0103/2000 in sy geheel.
2. Hoofstuk 4, Afdeling 32 van die Wet op Padverkeer, 1996 (Wet 93 van 1996), wat op 1 Augustus 2000 in werking getree het, bepaal dat bestuurders van enige van die tipe voertuie wat hieronder gelys is, 'n PrBp moet hê.
3. Besprekings met die Wes-Kaapse Verkeersowerheid, het die siening van die Provinsiale Hoofverkeersbeampte duidelik gemaak, en dit is dat enigiemand wat enige van die voertuie in een van die kategorieë hieronder op 'n openbare pad bestuur (hetsy hy of sy die eienaar van die voertuig is, en of dit passasiers vervoer of nie) in besit van 'n PrBP moet wees.

Voertuigkategorie Bruto voertuiggewig (BVG) Kategorie PrBP Minimum ouderdom van bestuurder
Goedere voertuig Meer as 3500 kg G 18 jaar
Bus Ongeag van BVG P 21 jaar
Minibus Meer as 3500 kg P 21 jaar
Minibus wat ontwerp is of aangepas is om 12 of meer passasiers, insluitende die bestuurder, te vervoer Ongeag van BVG P 21 jaar
Enige motorvoertuig wat gebruik word om betalende passasiers te vervoer Ongeag van BVG P 21 jaar
4. Daar kan by enige bestuurderslisensie-toetssentrum aansoek gedoen word vir 'n PRBP. Aansoeke moet die nodige dokumentasie en fooie insluit, naamlik:

  • Aanvaarbare identiteitsdokument;
  • Twee (2) ID-foto¡¦s van die aansoeker;
  • Oorspronklike bestuurderslisensie;
  • Mediese sertifikaat (MC-vorm);
  • PrBP-aansoekvorm (PD1-vorm); en
  • Polisieklaringsertifikaat.

Die bogenoemde vorms is by toetsentrums beskikbaar.
5. Die bepalings van die wet is bindend op alle burgers en dus op alle werknemers van die Wes-Kaap Onderwysdepartement en inrigtings onder sy beheer. Hoofstuk 4, Afdeling 32 is dus ook van toepassing op bestuurders van GG-voertuie in bogenoemde kategoriee. Die hoofde van daardie inrigtings wat van sodanige vervoermiddels gebruik maak, moet toesien dat alle bestuurders in besit is van die nodige PrBP. Die koste daarvan is vir die inrigting se begroting.
6. Vir meer inligting kan enige van die volgende beamptes by Hoofkantoor gekontak word:

Mnr CK Barron Tel. no. 021 467 2789
Mnr JG Heath Tel. no. 021 467 2797
Mnr MB Noboza Tel. no. 021 467 2791
Me E Santo Tel. no. 021 467 2339
7. Die inhoud van hierdie omsendbrief moet onder die aandag van alle betrokkenes gebring word.


GETEKEN: PA VINJEVOLD
HOOF: ONDERWYS
DATUM: 2015:08:18