1. Die Wes-Kaap Onderwysdepartement (WKOD) het Omsendbrief E21 van 2015 vanaf die Departement van Basiese Onderwys (DBO) ontvang wat die rooster van die 2015 Nasionale Senior Sertifikaat-eksamen (NSS) vir die tweede keer wysig.

2. Volgens die NSS-rooster wat deur middel van Omsendbrief 0029/2015, gedateer 21 Mei 2015, by skole gesirkuleer is, is die vakke Elektriese Tegnologie en Toerisme geskeduleer om Dinsdag, 24 November 2015 om 14:00 geskryf te word.

3. Nadat die DBO die registrasiedata gefinaliseer het, is daar egter ontdek dat party kandidate vir Elektriese Tegnologie sowel as Toerisme geregistreer het. Dit impliseer 'n botsing op die rooster.

4. Ten einde hierdie kandidate dus te akkommodeer, is die volgende wysigings aangebring:

  1. Elektriese Tegnologie is geskuif na 14:00 op Donderdag, 12 November 2015, om saam met Seevaartkunde en Dansstudies afgele te word.

  2. Toerisme bly soos geskeduleer op Dinsdag, 24 November 2015 om 14:00.
5. Die gewysigde finale 2015 NSS-eksamenrooster is aangeheg.

6. Prinsipale moet seker maak dat alle onderwysers en kandidate oor hierdie wysiging ingelig is.


GETEKEN: PA VINJEVOLD
HOOF: ONDERWYS
DATUM: 2015:08:18

Tweede gewysigde Finale Eksamenrooster: 2015 Ock -Nov Nasionale Senior Sertifikaat-eksamen  (grootte: 52 KB)