1. Gedurende Maart 2015 sal alle openbare skole hulle nuwe beheerliggaamverkiesings hź. Die nasionale Departement van Basiese Onderwys het nasionale riglyne vir die verkiesing van skoolbeheerliggame (SBL’e) opgestel om sodoende eenvormigheid tydens die nominasie en verkiesingsprosesse van beheerliggame by openbare skole in alle provinsies te bewerkstellig.
2. Die bestaande Maatreėls betreffend Beheerliggame en 'n Verteenwoordigende Raad van Leerders vir Openbare Skole (uitgesonderd openbare skole vir leerders met spesiale onderwysbehoeftes) wat deur die Wes-Kaap Onderwysdepartement (WKOD) uitgereik, en in Buitengewone Provinsiale Koerant 6519 van 20 Mei 2008 gepubliseer is, soos gewysig, en die bestaande Maatreėls betreffende Beheerliggame en 'n Verteenwoordigende Raad van Leerders van Openbare Skole vir Leerders met Spesiale Onderwysbehoeftes (ingesluit openbare skole vir leerders wat kragtens die Kinderwet, 2005 (Wet 38 van 2005); die Wes-Kaapse Provinsiale Wet op Skoolonderwys, 1997 (Wet 12 van 1997), en/of die Strafproseswet, 1977 (Wet 51 van 1977), soos gewysig, en gepubliseer in Buitengewone Staatskoerant 6554 van 12 September 2008, is in samewerking met die Provinsiale Regsadviesdienste, hersien. Die hersiene beleid genaamd die Bepaling van die Prosedures vir die Instelling en Verkiesing van Beheerliggame by Openbare Skole, is in die aangehegte Buitengewone Provinsiale Staatskoerant 7352, gedateer 06 Februarie 2015, gepubliseer.
3. Bring asseblief die inhoud van hierdie omsendbrief asook die aangehegte Bepaling van die Prosedures vir die Instelling en Verkiesing van Beheerliggame by Openbare Skole onder die aandag van alle betrokkenens.
4. Moet asseblief nie huiwer om u IBB-bestuurder te kontak indien u skool enige bystand benodig en/of u enige navrae oor die SBL-verkiesings het nie.


GETEKEN: PA VINJEVOLD
HOOF: ONDERWYS
DATUM: 2015:02:19

"Western Cape Provincial School Act, 1997 (Act 12 of 1997)"  (grootte: 61 KB)
Buitengewone Provinsiale Staatskoerant 7352  (grootte: 433 KB)