1. Die doel van hierdie omsendbrief is om amptenare oor die korrekte prosedure vir die aanvra van parkering vir besoekers in die Grand Central Towers-gebou en Goue Akker-winkelsentrum, Kaapstad in te lig.

2. Hierdie omsendbrief vervang Omsendbrief 0005/2002 in sy geheel.

3. Die Wes-Kaap Onderwysdepartement (WKOD) huur 12 parkeerplekke vir besoekers in die Grand Central Towers-gebou op parkeervlak twee (P2) terwyl geen aangewese parkeerplekke vir besoekers by die Goue Akker-winkelsentrum beskikbaar is nie. Ten einde te verseker dat slegs gemagtigde besoekers aan die WKOD van die beskikbare parkeerfasiliteite gebruik maak en dat maatreëls om koste te sny in werking is, word die volgende beheermaatreëls, soos in paragraaf 4 tot 9 genoem, bekendgestel.

4. Die volgende prosedures is op die Grand Cental Towers-gebou van toepassing:-
4.1 Aansoeke vir besoekersparkering in die Grand Central Towers-gebou moet 24 uur voor die beoogde besoek skriftelik by Die Direktoraat: Voorsieningskettingsbestuur, Subdirektoraat: Logistieke Ondersteuningsdienste ingedien word. Die aangehegte aansoekvorm wat net op besoekersparkering in die Grand Central Towers-gebou van toepassing is, moet behoorlik voltooi word deur die besoeker of die betrokke amptenaar wat besoek word. Hierdie aansoekvorm moet dan gefaks word na 021 483 7658 of per hand by Kamer 6-09, Grand Central Towers-gebou ingedien word. (Telefoonbesprekings sal slegs in dringende gevalle aanvaar word.)
4.2 Die aansoeker sal dan 'n dag voordat die parkering benodig word telefonies of per e-pos in kennis gestel word of die aansoek goedgekeur is. Die nommers van die parkeerplekke wat aangewys is, sal verskaf word sodra goedkeuring van die aansoek toegestaan word.
4.3 Die besoeker moet die rooi knoppie op die parkeerkaartjie-outomaat in die parkeergarage druk, die parkeertoelatingskaartjie neem en in een van die aangewese parkeerplekke parkeer.
4.4 In die loop van die besoek moet die amptenaar die parkeerkaartjie by Kamer 6-09 laat stempel en teken. Wanneer die gebou verlaat word, moet die gemagtigde kaartjie vir die parkeeraanwyser gewys word. Parkeerkaartjies vir die Grand Central Towers-gebou kan net tot 16:00 geteken en gestempel word.

5. Die volgende prosedures is op die Goue Akker-winkelsentrum van toepassing:-
5.1 Die besoeker of die toepaslike amptenaar wat besoek afle, moet die persoonlike assistent (PA) van die Direktoraat wat hy of sy besoek, kontak.
5.2 Die besoeker moet die rooi knoppie op die parkeerkaartjie-outomaat in die parkeergarage druk, die parkeertoegangskaartjie neem en op enige beskikbare, ongereserveerde parkeerplek parkeer. Parkering in gereserveerde of aangewese parkeerplekke is streng verbode.
5.3 Die PA is gemagtig om die besoekersparkeerkaartjie te stempel en te teken. Wanneer die besoeker die gebou verlaat, moet die gemagtigde kaartjie aan die parkeeraanwyser getoon word. Parkeerkaartjies vir die Goue Akker-winkelsentrum kan net tot 16:00 geteken en gestempel word.

6. Besoekers aan die Grand Central Towers-gebou en Goue Akker-winkelsentrum wat nie die bogenoemde prosedures volg nie, mag nie in die amptelike, gereserveerde parkeerplekke van die WKOD parkeer nie en sal persoonlik vir die betaling van die toepaslike parkeergeld verantwoordelik gehou word. Die wiele van voertuie van besoekers aan die geboue wat op gereserveerde of aangewese parkeerplekke parkeer, sal gesluit word en die besoekers sal 'n boete moet betaal voordat dit deur die gebousekuriteit verwyder sal word.

7. Die reeling soos hierin uiteengesit is nie van toepassing op maatskappye en koerierdienste wat aflewerings aan die WKOD maak nie. Sodanige maatskappy is verantwoordelik vir die betaling van hul eie parkeergelde.

8. Amptenare wat kontrakte vir die aflewering van goedere en dienste reel, moet duidelik in die kontrak spesifiseer dat parkeergelde vir die rekening van die verskaffer sal wees.

9. Dit is van uiterste belang dat besoekers aan Grand Central Towers-gebou hulle daarvan weerhou om in gereserveerde parkeerplekke wat aan WKOD-amptenare of ander maatskappye in die gebou toegeken is, te parkeer.

10. Die permanente parkeerplekke wat vir senior amptenare en liggaamlik gestremde amptenare van die WKOD gereserveer is, moet voor aansoek gedoen word en word deur die Departement van Vervoer en Openbare Werke toegeken.

11. Amptenare wat vir permanente parkering in die Grand Central Towers-gebou en Goue Akker-winkelsentrum aansoek gedoen het en wat steeds wag vir die uitreik van 'n parkeerskyfie om die gebou te betree en te verlaat, word nie toegelaat om van die reelings vir besoekersparkering, soos hierin uiteengesit, gebruik te maak nie. Dit is die amptenaar se verantwoordelikheid om die daaglikse parkeertariewe van hul eie Direktoraat se reis- en verblyfbegroting te eis.

12. Voertuie word op eie risiko geparkeer en die WKOD kan nie aanspreeklik gehou word vir enige skade of verlies wat gely word nie.

13. Vir verdere inligting kan enige van die volgende beamptes by Hoofkantoor gekontak word:

Mnr CK Barron Tel. no. 021 467 2789
Mnr JG Heath Tel. no. 021 467 2797
Mnr MB Noboza Tel. no. 021 467 2791
Me E Santo Tel. no. 021 467 2339

14. U volle samewerking sal waardeer word.


GETEKEN: PA VINJEVOLD
HOOF: ONDERWYS
DATUM: 2015:07:20

"Application for temporary visitors parking in Grand Central Towers building"  (grootte: 65 KB)