| 1. |
Die Departement van Basiese Onderwys (DBO) sal werkboeke druk en aan alle openbare skole (gewoon en toepaslike spesiale skole) in die Wes-Kaap versprei, vir die 2016 skoolkalenderjaar.
Die volgende boeke sal direk by skole afgelewer word:
- Graad R-werkboeke;
- Graad 1 – 6 Huistale;
- Graad 1 – 3 Wiskunde in taal van onderrig en leer (TOL);
- Graad 4 – 9 Wiskunde in Engels en Afrikaans;
- Graad 1 – 6 Eerste Addisionele Taal in Engels; en
- Graad 1 – 3 Lewensvaardighede in taal van onderrig en leer (TOL).
Volume 1 vir 2016 (Kwartaal 1 en 2) en graad R-werkboeke sal tussen 23 Julie en 23 September 2015 by alle skole afgelewer word.
Volume 2 vir 2016 (Kwartaal 3 en 4) sal tussen 19 Oktober en 30 November 2015 by alle skole afgelewer word.
|
| 2. |
Gedurende Maart 2015 is die Wes-Kaap Onderwysdepartement (WKOD) versoek om die DBO te voorsien van die geprojekteerde leerdergetalle vir werkboeke om vir 2016 gedruk en afgelewer te word. Die leerdergetalle wat aan die DBO voorsien is, is gebaseer op die betrokke SOBIS inligting wat op daardie tydstip beskikbaar was. |
| 3. |
Die aantal werkboeke wat by elke skool afgelewer sal word, is gebaseer op die leerdergetalle wat deur die WKOD aan die DBO voorsien is. Die aantal werkboeke per graad wat skole kan verwag om deur die DBO afgelewer te word, kan op die LOOM (KABV-handboeke) webblad, op die WKOD se webwerf, besigtig word. Die webwerf se adres is http://wced.school.za/branchPS/LTSM/index.html |
| 4. |
'n Riglyndokument wat die prosedure voor en gedurende die aflewering van die werkboeke uiteensit, is as Bylae A by hierdie omsendbrief aangeheg. |
| 5. |
Wanneer die werkboeke deur die DBO-diensverskaffer afgelewer word, word daar van skole verwag om die aantal werkboeke wat afgelewer word, te vergelyk met die getal wat op die bogenoemde webwerf voorsien is. Enige foutiewe taal aflewerings of tekorte moet op die bewys van aflewering aangedui word en met die diensverskaffer opgeneem word, wat die werkboeke namens die DBO afgelewer het. |
| 6. |
Die DBO laai die bewys van aflewering (BVA) van elke skool op die volgende webwerf: http://www.schoolmaster.org.za Skole en distrikte word aangemoedig om toegang tot hierdie webwerf te verkry om die afleweringsbesonderhede te verifieer. Die skool se OBIS-nommer kan gebruik word om op die webwerf aan te teken. |
| 7. |
Gedurende Oktober 2015, sal daar van alle skole waar handboeke afgelewer is verwag word om toegang tot die SOBIS te verkry om die geprojekteerde leerdergetalle vir 2016 vas te lê, asook die werklike aantal werkboeke per vak per graad wat vanaf die DBO ontvang is. |
| 8. |
Die WKOD sal die verspreiding van werkboek tekorte fasiliteer. |
| 9. |
Bring asseblief die inhoud van hierdie omsendbrief onder die aandag van alle betrokke personeellede. |
GETEKEN: PA VINJEVOLD
HOOF: ONDERWYS
DATUM: 2015:07:14
|
 |