| 1. |
Daar word van skole in die Wes-Kaap verwag om elke ingeskrewe leerder van 'n handboek vir elke vak te voorsien. |
| 2. |
Ten einde te verseker dat alle leerders in elke skool in 2016 handboeke vir elke vak ontvang, word prinsipale versoek om:
- hulle verwagte graad-vir-graad leerdertal vir 2016; en
- die verwagte behoud van huidige handboeke aan die einde van 2015 te bepaal.
Hierdie inligting is nodig om aanvullende en leerdergroei-handboekbestellings vir 2016 in te lig.
|
| 3. |
Skole kan tussen Woensdag, 17 Junie 2015 en Woensdag, 24 Junie 2015 aanvullende handboeke vir 2016 bestel deur gebruik te maak van 'n aanlynfasiliteit wat deur die Wes-Kaap Onderwysdepartement (WKOD) opgestel is. |
| 4. |
Die norme-en-standaarde-befondsing van skole sal gebruik word vir die betaling van aanvullende en leerdergroei-handboeke in Januarie 2016. |
| 5. |
Indien skole se norme-en-stanaarde-befondsing vir aanvullende en leerdergroeihandboeke onvoldoende is, moet 'n aansoek om finansiele bystand by die WKOD ingedien word. Die aansoek moet op die aangehegte patroonplaat voltooi word, en die skool se beskikbare norme-en-standaarde-bedrag asook die rede vir die versoek om finansiële hulp aandui. Hierdie patroonplaat moet deur die prinsipaal geteken en geskandeer en na Aletta.Knipe@westerncape.gov.za ge-e-pos word. |
| 6. |
Skole word aangemoedig om vooruit voor te berei en hulle aanvullende handboekbehoeftes vanaf die dag wat die aanlynstelsel op 17 Junie 2015 beskikbaar is, vasle. |
| 7. |
Wanneer toegang tot die SOBIS verkry word:
- Kies die "Administration"-opsie op die keuselys en kies dan "CAPS textbook top up" vanaf die aftuimellysie;
- 'n subkieslys sal verskyn wat toegang tot die vasleggingskerm sal bied, en die "How to guide"; en
- Skole word aangemoedig om hulself te vergewis van die inhoud van die "How to guide" voor die vaslegging van die aanvullende handboekbestellings.
|
| 8. |
Verwys asseblief na die verwelkomingsnota en riglyn op die SOBIS om vas te stel wie gekontak moet word indien enige probleme ondervind word met die vaslegging van die aanvullende handboekbestellings. |
| 9. |
Sodra die aanlynbestelling bevestig en afgeteken is, moet die skool . harde kopie van die bevestigde bestelling uitdruk, dit nagaan om te verseker dat dit korrek is en dit in die skool se rekord plaas. |
| 10. |
Bring asseblief die inhoud van hierdie omsendbrief onder die aandag van alle betrokke personeel. |
GETEKEN: PA VINJEVOLD
HOOF: ONDERWYS
DATUM: 2015:06:08
|
 |