1. Hierdie omsendbrief is hersien en herroep Omsendbrief 0016/2008 in sy geheel.

2. Met die toename in die gebruik van GG-voertuie deur beamptes van die Wes-Kaap Onderwysdepartement (WKOD), het dit nodig geword om beamptes van hulle pligte en verantwoordelikhede in te lig ingevolge Vervoer Omsendbrief No. 4 van 2000 en SMV Omsendbrief U2 32/2009.

3. Bespreking van 'n GG-voertuig vir amptelike reise

'n GG-voertuig moet ten minste 24 uur voor die amptelike reis bespreek word deur die voltooiing van die Reisaansoekvorm in duplikaat. Die reismagtiging moet deur 'n beampte op 'n vlak van Adjunkdirekteur of hoër goedgekeur word en fondse moet beskikbaar wees.

4. Padwaardigheid van voertuie
4.1 Staatsmotorvervoer (SMV) het die GG-voertuigvloot gemoderniseer en ouer voertuie uit die diens onttrek. Ons beoog om, saam met u hulp en samewerking, die toestand van die GG-voertuie in stand te hou en te verbeter. Om te verseker dat elke voertuig in 'n veilige en padwaardige toestand is, is dit noodsaaklik dat die bestuurder 'n inspeksie van die voertuig uitvoer voor dit gebruik deur die voltooiing van die kontrolelys soos voorsien.
4.2 Indien daar enige skade of meganiese probleme aan die voertuig is, moet die bestuurder dit onmiddellik aan die vervoerafdeling rapporteer. Indien enige skade, verlies of diefstal nie gerapporteer word nie, sal die laaste bestuurder wat die voertuig gebruik het, daarvoor verantwoordelik gehou word.
4.3 Gaan die GG-voertuig noukeurig na vir die volgende defekte voordat daar met die reis voortgegaan word:

  • Duike en skrape op die voertuig se bakwerk en buffers, gekraakte voorruit en vensters, gladde of beskadigde bande asook olie- en waterlekkasies onder die voertuig;
  • Hoofligte, remme (insluitend die handrem) wat nie in 'n werkende toestand is nie;
  • Ongeldige lisensieskyf; of
  • Geen noodwiel, domkrag of moersleutel nie.

LW - Dit is die verantwoordelikheid van die bestuurder om nie enige voertuig te aanvaar wat nie in 'n padwaardige toestand is nie.

5. Versiening/instandhouding en herstel van voertuie
5.1 Enige defek aan die voertuig moet onmiddellik aandag geniet ten einde verdere skade te verhoed. Die defektiewe voertuig sal nie uitgereik word totdat die defek reggestel is nie.
5.2 Instandhouding van GG-voertuie is belangriker as die gebruik van die voertuie. Instandhouding sal dus nie uitgestel word as gevolg van 'n tekort aan voertuie nie. Vervoerbeamptes moet ingelig word van enige voertuigdiens wat gedoen moet word, d.w.s indien die voertuigdiensaanwyser aan is.

6. Sindelikheid en netheid van voertuie
6.1 Daar mag nie in GG-voertuie gerook word nie. Oorweging moet ook geskenk word aan nie-rokers wat ook die voertuig gebruik. Nie-nakoming sal lei tot dissiplinere optrede teen beamptes wat voortgaan om in die voertuie te rook en sigaretas en sigaretstompies in die voertuig laat.
6.2 Bestuurders van GG-voertuie moet in samewerking met vervoerbeamptes verseker dat voertuie binne en buite skoon en netjies gehou word. Alle lee bottels/blikkies, rommel, werksdokumente en dies meer moet uit die motor verwyder word wanneer dit teruggebring word.

7. Ongelukke
7.1 'n Ongeluk of verlies waarin 'n GG-voertuig betrokke is moet binne 24 uur aan die Suid-Afrikaanse Polisiediens (SAPD) en die betrokke vervoerbeampte gerapporteer word.
7.2 Die bestuurder moet:

  • Nie die voertuig skuif in die geval van besering of dood aan enige passasier(s) of lid(lede) van die publiek nie;
  • Geen aanspreklikheid aan enige persoon erken of enige vorm van betaling aanvaar nie;
  • Met Nedfleet skakel om die voertuig te laat insleep indien nodig (verseker dat waardevolle items uit die voertuig verwyder is en dat die logboek en brandstofkaart/tolkaart aan die vervoerbeampte oorhandig word;
  • Binne 24 uur 'n gevallenommer van die SAPD verkry; en
  • 'n Botsing/Ongelukverslagvorm (SMV 2012-02) voltooi, wat verkry kan word van die vervoerbeamptes, en dit, saam met enige toepaslike ondersteunende dokumente (bv. reismagtiging, bestuurderslisensie, verklarings van getuies, skets van ongelukstoneel, motorhuis of oornagmagtiging), binne 5 werksdae by die toepaslike vervoerbeampte indien.
8. Nasporing

Wees bewus van die feit dat GG-voertuie ingerig is met elektroniese nasporingstoestelle en dat voertuigritte en die bestuurder se gedrag soos bv. spoedoortredings gemonitor word.
9. Telefoonnommers
9.1 SMV maak gebruik van die volgende diensverskaffers:

  • Nedbank (Nedfleet)
  • Automated Fleet Solutions (AFS); en
  • Afsol (voertuignasporing).
9.2 Hulle telefoonnommers is soos volg:

Nedfleet:
  • Diensmagtiging en bande:
    		•  0800 500 005
  • Rapportering van verlore/gesteelde brandstof/tolkaarte:
    		•  0860 110 722 (kantoorure)
    0800 110 929 / 0800 33 5311 (na-ure)
  • Insleep van voertuie (ongeluk of meganiese onklaarraking): 0800 500 005
    		•

    AFS(e-fuel)
  • Hulplessenaar (manual overrides):
    		•  0860 100 353
  • Installering of kalibrasie probleme:
    		•  021 467 4768 (kantoorure)
    071 879 5111 (na-ure)

    SMV:

    • Rapportering van ongelukke: 021 467 4713 (kantoorure) 0800 500 005 (na-ure)
    • Diefstal van voertuig of kapings: 082 906 4057 (hierdie nommer is 'n 24 uur per dag, 7 dae per week lyn waar omstandighede dit toelaat om rapportering onmiddellik te doen).
    10. Vir verdere inligting kan enige van die volgende beamptes by Hoofkantoor gekontak word:

    Mnr CK Barron   Tel. no. 021 467 2789
    Mnr JG Heath Tel. no. 021 467 2797
    Mnr MB Noboza Tel. no. 021 467 2791
    Me E Santo Tel. no. 021 467 2339

    11. U volle samewerking sal waardeer word.


    GETEKEN: PA VINJEVOLD
    HOOF: ONDERWYS
    DATUM: 2015:04:10