1. |
Die Wes-Kaap Onderwysdepartement (WKOD) het Omsendbrief E12 van 2015 vanaf die Departement van Basiese Onderwys (DBO) ontvang wat die rooster van die 2015 Nasionale Senior Sertifikaat-eksamen (NSS) rooster wysig. |
2. |
Volgens die rooster van die NSS wat deur middel van Omsendbrief 0007/2015, gedateer 2 Maart 2015, by skole gesirkuleer is, is die vakke Urdu TAT Vraestel 1 en Arabies TAT Vraestel 1 geskeduleer om op Maandag, 2 November 2015 om 14:00 saam met Religiestudies Vraestel 1 geskryf te word, met die nie-amptelike tale: Hindi, Gujarati, Tamil, Telegu Huistaal, EAT, TAT Vraestel 1 asook Frans, Moderne Grieks, Italiaans, Spaans, Latyn TAT Vraestel 1. |
3. |
Die tweede vraestelle (Vraestel 2) van Urdu en Arabies sal om 14:00 op Maandag, 9 November 2015 saam met Hindi, Gujarati, Tamil, Telegu Huistaal, EAT, TAT Vraestel 1 asook Frans, Moderne Grieks, Italiaans, Spaans, Latyn TAT Vraestel 2 geskryf word. |
4. |
Dit het onder die aandag van die DBO gekom dat 'n paar kandidate Urdu, sowel as Frans en Moderne Grieks het. |
5. |
Ten einde die botsing te vermy, het die DBO vir die Provinsiale Onderwysdepartemente (PODs) gevra om die 2015 NSS-eksamenrooster wat deur die WKOD na aanleiding van Omsendbrief 0007/2015 uitgereik is, te wysig. |
6. |
Urdu TAT Vraestel 1 en Urdu TAT Vraestel 2 sal nou onderskeidelik op Vrydag, 30 Oktober 2015 en Vrydag, 6 November 2015, in albei gevalle om 14:00 geskryf word. Moderne Grieks TAT Vraestel 1 sal ook op Woensdag, 28 Oktober 2015 om 14:00 geskryf word terwyl Moderne Grieks TAT Vraestel 2 op Dinsdag, 10 November 2015 om 09:00 geskryf sal word. |
7. |
Die duur van Ekonomie Vraestel 1 en Vraestel 2 is ook verleng van 'n uur en 'n half (1,5 uur) na 2 uur onderskeidelik. Dit is op die rooster verander. |
8. |
Voorts is die volgorde van die vraestelle vir die vak Sport- en Oefeningwetenskap verander. Dit impliseer dat Sport- en Oefeningwetenskap Vraestel 1 en Sport- en Oefeningwetenskap Vraestel 2 nou op Maandag, 16 November 2015 en Vrydag, 20 November 2015 onderskeidelik geskryf sal word. |
9. |
Die gewysigde finale 2015 NSS-eksamenrooster is aangeheg. |
10. |
Dit is noodsaaklik dat skoolhoofde seker maak dat alle kandidate van hierdie wysigings in kennis gestel word. |
GETEKEN: PA VINJEVOLD
HOOF: ONDERWYS
DATUM: 2015:05:21
|
|