1. Hierdie omsendbrief lig nie-artikel 21-skole in dat die aanlynbestelfasiliteit vir die bestelling van hulle skryfbehoeftes en skoonmaakmiddels vir gebruik in 2016, vanaf 11 tot 15 Mei 2015 op die SOBIS beskikbaar sal wees. Hierdie omsendbrief moet saamgelees word met Omsendbrief 0005/2015.
2. Daar word van nie-artikel 21 skole verwag om gedurende hierdie tydperk toegang tot die SOBIS te verkry om al hulle skryfbehoeftes en skoonmaakmiddel vir 2016 te bestel. 'n Riglyn sal op die SOBIS voorsien word om te verduidelik hoe die vereistes vir skryfbehoeftes en skoonmaakmiddels vasgele en afgeteken moet word.
3. Die Wes-Kaap Onderwysdepartement (WKOD) sal, ingevolge die kontrakte waarna daar in die bogenoemde omsendbrief verwys word, bestellings vir die leerders en onderwysers se skryfbehoeftes en skoonmaakmiddels namens alle nie-artikel 21 skole plaas.
4. Skole sal slegs toegelaat word om items te bestel wat voorheen in die skryfbehoefte en skoonmaakmiddel katalogusse voorsien is. Hierdie bestellings sal gedurende Mei en Julie 2015 deur die aanlyn proses plaasvind.
5. Let asseblief daarop dat die kontrak vir skryfbehoeftes nie die voorsiening en aflewering van kopieerpapier en drukkasette bied nie. Hierdie items, sowel as ander items, wat nie in die katalogusse vir skoonmaakmiddels en skryfbehoeftes uiteengesit is nie, sal deur kwotasies verkry word wat via die "Integrated Procurement Solution (IPS)" ingewin is. In hierdie verband moet skole rekwisisies (WKOD-026-vorm) gedurende die tydperk 11 tot 15 Mei 2015 indien.
6. Daar sal van skole verwag word om hulle norme- en -standaarde befondsing te gebruik om al hulle skryfbehoeftes en skoonmaakmiddel behoeftes te dek. Dit is dus belangrik dat skole noukeurig te werk gaan met die bepaling van hoe hulle norme- en -standaarde befondsing bestuur gaan word om sodoende die beskikbaarheid van voldoende fondse vir al die behoeftes van die leerders te verseker.
7. Bring asseblief die inhoud van hierdie omsendbrief onder die aandag van alle betrokke beamptes.


GETEKEN: PA VINJEVOLD
HOOF: ONDERWYS
DATUM: 2015:04:24

"WCED Stationery Catalogue - Masiqhame Trading"  (grootte: 135 KB)
"WCED Cleaning Catalogue - RC suppliers"  (grootte: 73 KB)
"Eden Karoo - WCED Cleaning Materials Catalogues - Amanthi Traders"  (grootte: 58 KB)
"Overberg - WCED Cleaning Materials Catalogues - Amanthi Traders"  (grootte: 56 KB)