1. Hierdie omsendbrief is hersien en herroep Omsendbrief 0027/11 en 0031/2011 in hulle geheel.

2. Die doel van hierdie omsendbrief is om beamptes wat die gebruik van GG-voertuie benodig in kennis te stel dat Staatsmotorvervoer (SMV) besig is om die omvattende besonderhede van al die bestuurders van GG-voertuie in te samel. Dit is vir die doel om 'n databasis vir bestuurders op die Fleetman (Fleet Management System) te vestig en in stand te hou; verkeersoortredings aan die korrekte beampte te heradresseer en om individuele bestuurdersidentifikasieplaatjies (blou VDOidentifikasieplaatjies) aan beamptes uit te reik aan wie GG-voertuie toegeken is.

3. Die Wet op die Administratiewe Beregting van Padverkeersoortredings (ABDO) plaas 'n verantwoordelikheid op voertuigvlootoperateurs om akkurate inligting oor bestuurders te verkry, veral ten opsigte van die implementering van die nuwe strafpuntstelsel, wat gemik is op bestuurders wat verkeersoortredings begaan. Dit kan uiteindelik beteken dat 'n bestuurder se lisensie opgeskort of herroep kan word. Beamptes met opgeskorte lisensies of lisensies wat herroep is sal nie toegelaat word om GG-voertuie te bestuur nie.

4. Verantwoordelikheidsbestuurders en kantoorhoofde en afdelings word dus versoek om seker te maak dat alle beamptes wat van GG-voertuie gebruik maak, die aangehegte bestuurder besonderhede en verifikasievorm voltooi en dit, saam met die ondersteunende dokumente soos aangevra op die vorm, aan die WKOD-hoofkantoor te stuur (vir aandag: Mnr JG Heath, Kamer 6-09).

5. Slegs duidelik gesertifiseerde fotokopieë van die identiteitsdokument en bestuurderslisensie, saam met bewys van huisadres, is aanvaarbaar.

6. Die vereiste dokumentasie kan ook via e-pos gestuur word aan enige van die volgende beamptes by Staatsmotorvervoer (SMV):

Beampte:
E-posadres:		   Carol Jacobs
Carol.Jacobs@westerncape.gov.za
Beampte:
E-posadres:		 Shumeez Swarts
Shumeez.Swarts@westerncape.gov.za
6.1 Mnr Jeffrey Heath (by e-posadres: JeffreyGrant.Heath@westerncape.gov.za) moet in alle e-posse gekopie (cc) word.
6.2 Beamptes word versoek om verkieslik duidelik geskandeerde kleurdokumente en in 'n saamgeperste TIFF- of PDF-formaat te e-pos. U word daaraan herinner dat die grootte van 'n lêer wat aan 'n e-posboodskap geheg is, nie 50 000 KB (5 MB) mag oorskry nie.

7. By verstryking van 'n bestuurderslisensie moet 'n afskrif van die hernude bestuurderslisensiekaart aan die SMV voorgelê word om sodoende die databasis vir bestuurders op te dateer.

8. Beamptes wat nalaat om hulle vorms in te handig of wat nie op die Fleetman-stelsel geregistreer is nie, sal nie met GG-voertuie uitgereik word nie. Die Fleetman-stelsel sal nie vervoerbeamptes toelaat om GG-voertuie aan bestuurders uit te reik indien hulle nie op die stelsel geregistreer is nie.

9. Vir verdere inligting kan enige van die volgende beamptes by Hoofkantoor gekontak word:

Mnr CK Barron   Tel. no. 021 467 2789
Mnr JG Heath Tel. no. 021 467 2797
Mnr MB Noboza Tel. no. 021 467 2791
Me E Santo Tel. no. 021 467 2339

10. U samewerking sal waardeer word.


GETEKEN: PA VINJEVOLD
HOOF: ONDERWYS
DATUM: 2015:04:10

"Driver details and declaration form"  (grootte: 337 KB)