1. Goedkeuring is verleen vir die verhoging van die volgende beurse met ingang van 01 April 2015:
1.1 Die maksimum losiesbeurse wat aan behoeftige leerders in koshuise verbonde aan openbare gewone skole betaalbaar is, is van R6 933.00 tot R7 314.00 per leerder per jaar verhoog.
1.2 Die maksimum privaatlosies- en vervoerbeurse betaalbaar aan behoeftige leerders in die Weskus, Kaapse Wynland, Eden en Sentrale Karoo en Overberg onderwysdistrikte is verhoog van R1 617.00 tot R1 706.00 per leerder per jaar verhoog.

L.W. Al die bogenoemde beurse is bereken ooreenkomstig die goedgekeurde middeletoets en ooreenkomstig kriteria soos uiteengesit in Omsendbrief 0143/1998 van 06 November 1998 en Omsendbrief 0029/2001 van 13 Maart 2001.

2. Goedkeurig is ook verleen vir die verhoging van die volgende personeelsubsidies met ingang van 01 April 2015:
2.1 Die personeelsubsidie betaalbaar aan gewone openbare skole met 'n leerderinskrywingsgetal van minder as 201 vir die aanstelling van administratiewe en algemenedienstepersoneel is verhoog van R464.00 tot R490.00 per leerder per jaar.
2.2 Die personeelsubsidie wat betaalbaar is aan openbare koshuise met 'n inskrywing van minder as 50 koshuisinwoners vir die aanstelling van administratiewe en skoonmaakdienste, is van R6 433.00 tot R 6 780.00 per leerder per jaar verhoog.
2.3 Die personeelsubsidie betaalbaar aan kerk- of privaat koshuise vir die aankoop van administratiewe en skoonmaakdienste is van R1 620.00 tot R 1 709.00 per leerder per jaar verhoog.

3. Bring asseblief die inhoud van hierdie omsendbrief onder die aandag van die lede van die beheerliggaam en alle ander betrokkenes.


GETEKEN: PA VINJEVOLD
HOOF: ONDERWYS
DATUM: 2015:03:24