1. Die aanvraag na leerareas by skole in die Wes-Kaap groei jaarliks. Ten einde toelating doeltreffend te bestuur word skole versoek om die volgende bestaande maatreëls te volg.

2. Die maatreëls soos uiteengesit in hierdie omsendbrief, is van toepassing op aansoeke wat in 2015 ontvang is vir toelating tot skole in 2016.

3. Aanpassing van die tydsraamwerk vir aansoek om toelating tot die Wes-Kaap Onderwysdepartement (WKOD) se skole:
3.1 Alle skole word hiermee versoek om aan die huidige toelatingsraamwerk van die WKOD te voldoen soos vervat in die WKOD-toelatingsbeleid, wat bepaal dat die eerste fase vir aansoeke by skole teen einde Junie moet sluit.
3.2 Hierdie aanpassing is nodig, want dit is duidelik dat skole verskeie periodes vir toelating het wat vanaf Februarie tot Desember strek.
3.3 Dit veroorsaak dus onsekerheid in die stelsel terwyl ouers vir die uitslae van die aansoeke wag wat hulle op verskillende tye regdeur die jaar ontvang.
3.4 Dit maak dit verder baie moeilik vir die WKOD om leerders wat nog nie geplaas is nie te bestuur en om vir die voorsiening van plekke voor die begin van die nuwe skooljaar te beplan.

4. Vaslegging van die skool se toelatingsdatums vir 2016 op die SAMI:

Die School Admission Management Information (SAMI) funksie sal teen 31 Maart 2015 beskikbaar gestel word vir die vaslegging van aansoeke.

Prinsipale moet verseker dat die datums vir die skool se toelatingsperiode teen 20 April 2015 op die SAMI-funksie op die SOBIS vasgevang is.

5. Vaslegging van beplande inskrywing vir 2016 op SAMI:

Prinsipale moet teen 20 April 2015 die beplande inskrywings vir 2016 op die SOBIS vasvang en afteken.

6. Vaslegging en verwerking van aansoeke om toelating by die skool vir 2016:
6.1 Skole word versoek om die aansoeke van ALLE leerders wat om toelating aansoek gedoen het vir die skool vir 2016, op die SOBIS vas te vang.
6.2 Alle aansoeke wat ontvang is, moet vasgevang word.
6.3 Skole moet die uitslag van die aansoeke op die SAMI aandui.
6.4 Die SAMI-funksie genereer 'n lys van leerders wat nie geplaas is nie. Ouers sal dan na hulle naaste skool, distrik of satellietkantoor verwys word om te verseker dat die leerder se besonderhede op die databasis vasgevang word.

7. Hulp met gevalle waar leerders nie by skole geplaas is nie:

Die betrokke distriksbeamptes wat met toelating administrasie te doen het, sal toegang hê tot die lyste van leerders wat nie geplaas is nie asook die beskikbare plekke by skole in die distrik. Daar sal van hierdie beamptes verwag word om bystand te verleen met die plasing van leerders deur met skole in hulle onderskeie distrikte en kringe te skakel.

8. Opsomming: Toelatingsdatums 2015/16

  Aktiwiteit Datums
1 Opening van SAMI vir vaslegging 31 Maart 2015
2 Sperdatum vir die vaslegging van:
  • Skool se toelatingsdatums vir 2016
  • Beplande inskrywing vir 2016 op SAMI
    		•  20 April 2015
    3 Sluiting van aansoeke vir toelating (Op alle skole van toepassing - eerste ronde) 26 Junie 2015

    9. Aan die hand van die toenemende aanvraag vir plekke by skole, vertrou die WKOD dat hierdie maatreëls skole en ouers sal help. Ons wil graag prinsipale, beheerliggame en beamptes bedank vir hulle ondersteuning met die plasing van leerders in skole.

    10. Alle navrae ten opsigte van die bogenoemde kan gerig word aan die betrokke distriksbeampte.

    11. Bring asseblief die inhoud van hierdie omsendbrief onder die aandag van alle betrokkenes.


    GETEKEN: PA VINJEVOLD
    HOOF: ONDERWYS
    DATUM: 2015:03:19