1. Ifunyenwe imvume kwiNtloko yeSebe leMfundo yokubonelela ngezithuba ezabelwe amaziko zabasebenzi abancedisayo benkonzo karhulumente kwizikolo zikarhulumente eziqhelekileyo zika-2015 ngokungqinelana nemimiselo nemigangatho eyaziswe kwiSetyhula 0025 ka-2011. Imimiselo nemigangatho evunyiweyo imi ngolu hlobo lulandelayo:

Abafundi abayi -0 – 200: Isikolo sifumana inkxaso-mali
Abafundi abayi-201 – 400: UMabhalane oyi-1, iForimani eyi-1 noMncedisi oyi-1
Abafundi abayi-401 – 800: UMabhalane oyi-1, iForimani eyi-1 naBancedisi abayi-2
Abafundi abayi-801 – 1200: OoMabhalane abayi-2, iForimani eyi-1 naBancedisi abayi-2
Abafundi abayi-1201: okanye ngaphezu koku OoMabhalane abayi-2, iForimani eyi-1 naBancedisi aba-3
2. Izikolo zikarhulumente eziqhelekileyo ekunokwenzeka ukuba ziphulukane nezithuba zabasebenzi abancedisayo benkonzo karhulumente ngo-2015 nezinabaqeshwa abaqeshwe phantsi kwemvumelwano (contract employees) kwizithuba ezo zichaphazelekayo, mazingalandisi ithuba leemvumelwano zabaqeshwa abachaphazelekayo lidlule kowe-31 Disemba 2014. Iinqununu mazazise abaqeshwa abaqeshwe phantsi kwemvumelwano (contract employees) ungadlulanga owe-30 November 2014 ukuba iimvumelwano zabo azisayi kwandiselwa xesha emva koDisemba 2014.
3. Abasebenzi abancedisayo benkonzo karhulumente abaqeshwe isigxina kwizikolo zikarhulumente eziphulukene nezithuba zabasebenzi abancedisayo baya kuhlenga-hlengiswa bafakwe kwizithuba ezingenabantu (matched and placed against vacant posts) kwezinye izikolo, kubandakanywa izithuba ezitsha eziya kudalwa ngo-2015. Inkqubo yokuhlenga-hlengiswa kufakwe abasebenzi kwizithuba ezingenabantu iya kulawulwa zii-ofisi zezithili zemfundo. Bonke abaqeshwa abasisigxina abangenakuhlenga-hlengiswa bafakwe kwizithuba baya kubhengezwa njengabangaphezulu kwemfuneko (declared in excess) baze bahlale ezikolweni zabo kungatshintshwa meko zengqesho yabo (conditions of service). Apho kuthi kuvele izithuba ezisisigxina ezingenamntu, abaqeshwa abangaphezulu kwemfuneko (in excess) baya kuqwalaselwa kuqala kwinkqubo yokuhlenga-hlengiswa bafakwe kwezo zithuba phambi kokunika imvume yokuzalisa izithuba ezo ngenkqubo yokuqeshwa phantsi kwemvumelwano.
4. Zonke izithuba ezitsha zabasebenzi abancedisayo benkonzo karhulumente ezingakhange zibe nokuzaliswa ngokwenkqubo yokuhlenga-hlengiswa kufakwe abantu kwizithuba, ziya kupapashwa kwiZintlu zeZithuba zango-2015 zabasebenzi benkonzo karhulumente abakumaziko. Akusayi kuqeshwa bantu kwizithuba ezitsha zabasebenzi abancedisayo benkonzo karhulumente phantsi kwemvumelwano ngethuba eliqala nge-1 Januwari 2015 ukuya kwi-31 Matshi 2015, kuba ezizthuba ziyaqala ukusukela nge 1 Apreli 2015.
5. Izithuba ezabelwe amaziko zabasebenzi abancedisayo benkonzo karhulumente (public service staff establishments) zango-2015 ziya kupapashwa kwi-CEMIS nge-17 October 2014.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:10:16