1.1 |
Amabhunga olawulo ezikolo (ii-SGBs) adlala indima ebaluleke gqitha ekuncediseni iinqununu neekomiti zolawulo lwesikolo (SMTs) ekuboniseni ubunkokeli nolawulo lwezikolo zethu ngendlela eyiyo. |
1.2 |
Unyulo lwee-SGBs kuzwelonke lucwangciselwe ukuqala nge-6 Matshi 2015 de kube sekupheleni kwekota yokuqala yesikolo ka-2015 (1st school term of 2015). Uqeqesho lokumiselwa ngokusesikweni okunyanzelekileyo kwee-SGBs ezonyuliweyo ezintsha luya kuqhubeka phakathi kwe-13 Apreli ne-26 Juni 2015. |
1.3 |
Injongo ebanzi yenkqubo yonyulo kukuqinisekisa ukuba kunyulwa abalawuli abanombono, abanolwazi nezakhono nabanyulwa ngokufanelekileyo ukuba banike inkxaso ukufunda nokufundisa okusemgangathweni ezikolweni. |
1.4 |
Ukuphunyezwa kwenkqubo yonyulo ka-2015 kufuna uthatho-nxaxheba ngamagosa kuwo onke amanqanaba enkqubo yemfundo kwakunye nabathathi-nxaxheba abaphambili nabafanelekileyo abanjengeMibutho yee-SGBs (SGB Associations). |
2. |
Imigaqo yephondo ehlaziyiweyo
ISebe leMfundo leNtshona Koloni (iWCED) sele ligqibezela imigaqo yephondo ehlaziyiweyo emalunga namabhunga olawulo ezikolo zikarhulumente yaye le migaqo iya kuthunyelwa ezikolweni kungekudala. |
3. |
Izitenxo kwinkqubo yokutyunjwa nokunyulwa kwamalungu ngosuku olunye |
3.1 |
Izikolo ezinqwenela ukutenxa kwinkqubo yokutyunjwa nokunyulwa kwamalungu ngosuku olunye, njengoko kucacisiwe kwimigaqo yephondo, mazenze isicelo sokucela imvume yoku kwiNtloko yeSebe leMfundo (Head of Department (HOD)). |
3.2 |
Nasiphi na isitenxo masingaze, nangayiphi na indlela, sidlele indlala uthatho-nxaxheba ngabo nabaphi na abazali, kwaye masicaciswe gca yaye kuboniswe ukulunga kwaso kubahlali ukwenzela ukuba bonke bayiqonde inkqubo yonyulo eza kulandelwa. |
3.3 |
Izizathu zokutenxa mazichazwe banzi ngokucacileyo kwisicelo esiya kwiNtloko yeSebe. |
4. |
Unyulo lwamalungu eBhunga eliMele aBafundi (RCL) kwi-SGB |
4.1 |
I-RCL iya kunyula kwakubafundi bayo abafundi ababini ukuba babe kwi-SGB. Ithuba lokubasesikhundleni kwelungu lebhunga elimele abafundi kwibhunga lolawulo malingabi ngaphezu konyaka wezifundo omnye. |
4.2 |
Akuyi kubakho mfuneko yokuba kunyulwe kwakhona amalungu amabini e-RCL amatsha ebhunga elimele abafundi njengoko aya kuba sele enyuliwe. Ithuba lokubasesikhundleni kwawo kwi-SGB alikho ngaphezu konyaka omnye yaye afanelekile ukuba aqhubeke nokuba kwi-SGB entsha de kube sekupheleni kuka-2015. |
5. |
Inkxaso enikwa izikolo |
5.1 |
Yindima yeKomiti yoNyulo yeSithili (District Electoral Team) ukongamela inkqubo yonyulo kwizithili zemfundo nakwiisekethe. |
5.2 |
Ukuba isikolo sifuna inkxaso okanye sinemibuzo, inqununu mayiqhagamshelane nomququzeleli wekomiti yonyulo yesithili ofanelekileyo njengoko kubonisiwe apha ngezantsi.
INo. |
Isithili semfundo |
Umququzeleli wekomiti yonyulo yesithili |
Inombolo yefoni |
1 |
Cape Winelands |
Mr J Goliath |
023 348 4604 |
2 |
Eden & Central Karoo |
Mr E Magodla |
044 803 8300 |
3 |
Metro Central |
Mr S Hattingh |
021 659 4300 |
4 |
Metro East |
Mr K de Wet |
021 900 7000 |
5 |
Metro North |
Mr H Botha |
021 938 3000 |
6 |
Metro South |
Mr R Job |
021 370 2000 |
7 |
Overberg |
Mr J Bailey |
028 212 1730 |
8 |
West Coast |
Mrs A Truter |
021 860 1200 |
|
6. |
Ukutyunjelwa isizathu esithile (co-option) kwamalungu angabazali okwethuba eliqala nge-1 Januwari – 30 Matshi 2015 |
6.1 |
Izithuba ezinokumana zivela (casual vacancies) kwii-SGBs ngeli thuba lilapha ngasentla ngenxa yokuphela kwethuba lokubasesikhundleni kwamanye amalungu angabazali ngokubangelwa sisizathu esichatshazelwe kumgaqo 3(e) wemigaqo ehlaziyiweyo (3(d) yemigaqo ekhoyo ngoku. Kwezi meko kufuneka izikolo zityumbele kwi-SGB amalungu afanelekileyo nanezakhono nolwazi ngethuba lekota yokuqala yesikolo ka-2015. |
6.2 |
Amalungu atyunjelwe isizathu esithile aya kuba namalungelo okuvota ithuba leentsuku eziyi- 90. |
6.3 |
IKomiti yoNyulo yeSithili iya kubonelela kwakhona izikolo nee-SGBs ngengcaciso engenkqubo yokunikezelwa kweentambo ngabo bakwibhunga njengangoku kwi- SGB eyonyuliweyo entsha kwakunye nengcaciso kuloo SGB yonyuliweyo intsha. |
7. |
Ukugaya inkxaso ngamandla |
7.1 |
Kucetywa iindlela ngeendlela zokugaya inkxaso ngamandla kuzwelonke, kumaphondo nakwizithili ukwenzela ukukhuthaza abazali, abahlali, ootitshala nabo basebenzi bangezotitshala ukuba bathathe inxaxheba kwinkqubo yonyulo lwe-SGB apho esikolweni. |
7.2 |
Kwinqanaba labahlali, imibutho yee-SGBs njengamalungu eKomiti yoNyulo yePhondo (Provincial Electoral Team) ikuthathele kuyo ukukhuthaza ngamandla inkxaso, isebenzisa izitraksha ngezitraksha zasekuhlaleni (various community structures). |
7.3 |
Ziyakhuthazwa kwakhona iikomiti zonyulo zezikolo ukuba zivelise ezazo iindlela zokukhuthaza ngamandla inkxaso kolu lunyulo luzayo kwizikolo zazo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:09:22
|
|