| 1. |
ISebe leMfundo leNtshona Koloni (iSebe iWCED) linovuyo ukwazisa ukuba livelise indlela yokusebenzisa ikhompyutha (function) kwi-Central Education Management Information System (CEMIS) ukunika inkxaso izikolo ekulawuleni ingcaciso enxulumene nokwamkelwa kwabafundi neya kuthi ikwazi ukuvelisa ngokwayo (generate) uluhlu kwikhompyutha (on-line list) lwabafundi abangafumananga ndawo. |
| 2. |
Amanyathelo achazwe kule ngcaciso imfutshane asebenza kwizicelo ezifunyenwe kulo nyaka zokucela ukwamkelwa kwabafundi ezikolweni ngo-2015. |
| 3. |
Ukufakwa ekhompyutheni kwamanani abafundi acwangciselwe ubhaliso ngo-2015:
Kucelwa iinqununu zizalise ingcaciso yamanani abafundi angqikelelwayo (planned learner projections) ka-2015 ungadlulanga owe-15 Agasti 2014.
|
| 4. |
Ukufakwa ekhompyutheni kwezicelo zokwamkelwa kwabafundi esikolweni ngo-2015: |
| 4.1 |
Kucelwa izikolo zifake izicelo zabo bonke abafundi abenze isicelo sokwamkelwa esikolweni ngo-2015 kwi-CEMIS. |
| 4.2 |
Oku kungafumaneka kwi-CEMIS phantsi kwe-"Administration" tab kunye ne-"Admissions" dropdown. |
| 4.3 |
Kucelwa uqaphele ukuba iinkcukacha zabafundi abasele bekwi-CEMIS akukho mfuneko yokuphinda zifakwe ekhompyutheni. |
| 4.4 |
Isistim iya kuzifaka ngokwayo iinkcukacha kumacandelo ekufuneka zikuwo (prepopulate the required fields) xa umsebenzisi wekhompyutha efaka inombolo ye-CEMIS okanye inombolo yesazisi; okanye igama lomfundi, ifani kunye nesini. |
| 4.5 |
Kuphela yingcaciso efuneka kuqala (basic information) yabafundi abenza isicelo sokufunda esikolweni esiseNtshona Koloni okokuqala ngqa ekuya kufuneka ifakwe ekhompyutheni. |
| 4.6 |
Ukuba umfundi wamkelwe esikolweni, le ngcaciso efuneka kuqala iya kukotshelwa kwi-CEMIS emva kokugqitywa kwenkqubo yokupasa nokudlulela kwelinye ibakala kwabafundi (progression and promotion) ekupheleni konyaka. |
| 5. |
Ukusombulula iimeko apho abafundi bangafumananga ndawo ezikolweni: |
| 5.1 |
UMphathi weze-IMG ochaphazelekayo uya kukwazi ukufikelela kuluhlu lwabafundi abangekafumani ndawo esikolweni nakwiindawo ezikhoyo kwisekethe yakhe kwaye kucelwa ukuba ancedise ekusombululeni ukufakwa kwabafundi ezindaweni ngokuqhagamshelana nezo zikolo zikwiisekethe zabo. |
| 5.2 |
Injongo yezithili mayibe kukusombulula ingxaki yabafundi abangekafumani ndawo ezikolweni abakwizintlu (lists) ungadlulanga owe-14 Februwari 2015. |
| 6. |
Inzuzo y okufakwa kwezicelo zokwamkelwa kwabafundi kwiziko ledatha i-CEMIS |
| 6.1 |
Le sistim iya kubonisa inani leendawo zokufunda ezifumaneka esikolweni eziya kuba nokufikeleleka kwiNqununu nakuMphathi weze-IMG. |
| 6.2 |
Iya kwenza kube lula ukujonga isicelo somfundi/sebakala ngalinye kwinqanaba lesikolo. |
| 6.3 |
Ngokususela kwingcaciso echanekileyo yabafundi abangekamkelwa ezikolweni, iSebe iWCED liya kukwazi bhetele ukunceda abazali abasakhangela iindawo zokufunda ezikolweni. |
| 6.4 |
Ingcaciso ephambili yabafundi abatsha iya kuba seyifakiwe kwi-CEMIS ngo-2015. |
| 6.5 |
Inombolo yesazisi yomfundi iya kusetyenziswa ukuqinisekisa ukuba akukho kuphinda-phindwa kwedatha okwenziwayo kwiziko ledatha. |
| 7. |
Isistim iya kuba seyilungiselelwe ukufaka le ngcaciso kwi-CEMIS ukuqala nge-8 Agasti 2014. |
| 8. |
Ukwazi ukufikelela kwiziko ledatha kuya kulawulwa ngqongqo kwenziwe kuphela ngamagosa atyunjelwe lo msebenzi nekuya kufuneka asayine iimvumelwano zokugcina iimfihlo. |
| 9. |
Ngenxa yokwanda kwemfuno yeendawo zokufunda ezikolweni, iSebe iWCED liyathemba ukuba eli nyathelo liya kuncedisa inkqubo ukuba isebenze bhetele. Sinqwenela ukubulela iinqununu, ii-SGB namagosa ngenkxaso yawo ekufakeni bonke abantwana ezikolweni. |
| 10. |
Yonke imibuzo enxulumene noku kungasentla ingathunyelwa kuMphathi weze-IMG ochaphazelekayo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:08:05
|
 |