| 1. |
Le setyhula ithatha indawo yeSetyhula Abuse No More Protocol (2001 neSetyhula 0095/2002 ngokupheleleyo. |
| 2. |
UMthetho i-Children’s Act, 2005 (Act 38 of 2005) noMthetho i-Criminal Law (Sexual Offences and Related Matters) Amendment Act, 2007 (Act 32 of 2007), iyicacisa gca into yokuba ootitshala banomsebenzi oluxanduva olunyanzelekileyo (mandatory duty) wokuxela (report) impatho-gadalala yabantwana, ukungahoywa ngabom kwabantwana nezenzo zokuxhatshazwa ngokwesondo kwabantwana. Ukungaphumeleli ukuxela oku phantsi kwale mithetho ikhankanyiweyo, sisenzo solwaphulo-mthetho. |
| 3. |
Njengoko ingootitshala ekunyanzelekileyo ukuba baxele impatho-gadalala yabantwana, ukungahoywa ngabom kwabantwana nezenzo zokuxhatshazwa ngokwesondo kwabantwana, banendima ebalulekileyo abayidlalayo ekuqapheleni nasekugqithiseleni kwiingcali zoncedo abafundi abaneemeko ezinjalo; yaye yiloo nto kufuneka kukho isikhokelo esicace gca neenkqubo ezingqinelana nale mithetho ikhankanywe apha ngentla. Ngenxa yezinto ezintsha kwi-Children’s Act, (2005) nakwiCriminal Law (Sexual Offences and Related Matters) Amendment Act, (2007) nemimiselo yayo, i-Abuse No More Protocol (2001), iye yafakelwa izilungiso ukungqinelaniswa namacandelo nemimiselo echaphazelekayo. |
| 4. |
UMgaqo-nkqubo i-Amended Abuse No More Protocol (2014) uqulunqwe ngokusebenzisana noonontlalontle bezikolo neentloko zecandelo lokuNika iNkxaso kwiMfundo eneeMfuno eziZodwa kwii-ofisi zezithili ezisi-8, iSebe lezeMpilo, iSebe loPhuhliso lwezeNtlalo, iNkonzo yamaPolisa oMzantsi Afrika, iSebe lezoBulungisa noPhuhliso loMgaqo-siseko, i-National Prosecution Authority, iSebe leMfundo leNtshona Koloni, iSebe leNkulumbuso ne-Provincial Gender Justice Forum emele la masebe angasentla nale mibutho/maziko alandelayo: Mosaic, Childline, Women Legal Centre, Law Resource Society, Cape Law Society, Resources Aimed at the Prevention of Child Abuse and Neglect (RAPCAN), Rape Crisis, i-University of Cape Town, i-University of the Western Cape, Anex: Human Trafficking, Anex: Child Labour and Sex Workers Education and Advocacy Taskforce (SWEAT).
|
| 5. |
Ukuncedisa amaziko emfundo kulawulo lwempatho-gadalala yabantwana nokungahoywa ngabom kwabantwana nokuxhatshazwa ngokwesondo kwabantwana, kuqhotyoshelwe apha olu xwebhu Amended Abuse No More Protocol (2014). |
| 6. |
Okuqulethwe kule setyhula nakulo mgaqo-nkqubo makwaziswe bonke ootitshala, nabanye abasebenzi esikolweni, abazali, abafundi nabahlali abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:07:31
|
 |