1. UMphathiswa wePhondo ophathiswe ezeMfundo eNtshona Koloni, esenza ngokwesiqendu 63(1) soMthetho weMfundo weZikolo zePhondo leNtshona Koloni, 1997 (uMthetho 12 ka-1997), wenze le Mimiselo imalunga neMisebenzi yamaGosa ajongene nokuHamba iSikolo iqhotyoshelwe apha, nge-2 Disemba 2013, nesebenza kuzo zonke izikolo zikarhulumente eNtshona Koloni.

2. ISiqendu 10 soMthetho weMfundo weZikolo zePhondo leNtshona Koloni, 1997 (uMthetho 12 ka-1997) sibonelela ngokuba iNtloko yezeMfundo inokutyumba igosa elijongene nokuhamba isikolo ukuba liphumeze imigaqo yesiqendu 3(5) no-(6) soMthetho weZikolo zaseMzantsi Afrika, 1996 (uMthetho 84 ka-1996) ukuba linike inkxaso yaye libeke esweni abafundi abaphinda-phindayo ukungabikho esikolweni kungekho zizathu zivakalayo.

3. Isiqendu 3(1) soMthetho weZikolo zaseMzantsi Afrika, 1996 (uMthetho 84 ka-1996) sicacisa ukuba, ukuba umfundi ofanele ukuhamba isikolo ngokunyanzelekileyo ngokwesiqendwana (1) akabhaliswanga okanye akaphumeleli ukuhamba isikolo, iNtloko yeSebe inokuthi

  1. iphande ngeemeko zokungabikho komfundi esikolweni;
  2. ithathe amanyathelo afanelekileyo okuyilungisa le meko; yaye
  3. xa kungaphumeleli oko, ikhuphe isaziso esibhaliweyo esiya kumzali womfundi esifuna ukuba athobele umthetho okufunekayo.
4. Le Mimiselo imalunga neMisebenzi yamaGosa ajongene nokuHamba iSikolo isingethe oku kulandelayo:

  1. Imisebenzi yamagosa ajongene nokuhamba isikolo
  2. Izizathu ezivakalayo zokungabikho komfundi esikolweni
  3. Isaziso esibhaliweyo esiya kumzali
5. Kucelwa iinqununu ukuba zazise okukule mimiselo bonke ootitshala namalungu ebhunga lolawulo lesikolo ukuze bakuthathele ingqalelo.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:12:17

"Western Cape Provincial School Education Act, 1997 (Act 12 of 1997)"  (ubukhulu: 61 KB)
"South African Schools Act, 1996 (Act 84 of 1996)"  (ubukhulu: 255 KB)
Mimiselo imalunga neMisebenzi yamaGosa ajongene nokuHamba iSikolo  (ubukhulu: 105 KB)