1. |
Ukususela ekuqalisweni kokusetyenziswa kweeNkcazo zoMgaqo-nkqubo woVavanyo lweKharityhulam (Curriculum Assessment Policy Statements (CAPS)) ngo-2011 – 2013, izikolo zakhetha zaza za-odola iincwadi zezifundo zazo ngekhompyutha kwiCentral Education Management Information System (CEMIS) zisebenzisa iikhathalogu zikazwelonke ezizinikwe liSebe leMfundo esiSiseko. |
2. |
ISebe leMfundo leNtshona Koloni (iSebe iWCED) njengangoku livelisa isistim esekhompyutheni efanayo naleyo yefasilithi yoku-odola ngekhompyutha yexesha elidlulileyo, ukwenzela ukuba izikolo zenze ii-odolo zeencwadi zezifundo zazo ezongezelelweyo zamaBakala 1 - 12 ukulungiselela uJanuwari 2015. Le fasilithi isekhompyutheni iya kuba sele ifumaneka nge-21 Julayi 2014. |
3. |
Kucelwa izikolo ukuba zikucwangcise ngenyameko uku-odola iincwadi zezifundo zazo ukwenzela ukuba bonke abafundi bafumane iincwadi zezifundo kuzo zonke izifundo ngoJanuwari 2015. Kucelwa nithathele ingqalelo ubhaliso lwabafundi olucwangciselwe ibakala ngalinye ngo-2015 nokubuyiswa kweencwadi zezifundo ngabafundi (textbook retention) xa nibala inani leencwadi zezifundo ezongezelelweyo eziza ku-odolwa ngoJulayi 2014. Ekubaleni inani lobhaliso lwabafundi lenu elicwangciselwe u-2015 kufuneka nicinge ngeereyithi zokupasa enizithagethileyo kwibakala ngalinye nenani labafundi abatsha abaza kubhaliswa. |
4. |
IMimiselo neMigangatho yenkxaso-mali yezikolo (iSebe leMfundo, 2006) ifuna ukuba iincwadi zezifundo zibekwe phambili ngokubaluleka kusetyenziso lwale mali. Ngenxa yesi sizathu inkxaso-mali ngokweMimiselo neMigangatho kufuneka isetyenziselwe ukuthenga iincwadi zezifundo ezongezelelweyo ezi-odolwe ngoJulayi 2014 ukulungiselela ukuba zisetyenziswe ngoJanuwari 2015. |
5. |
Apho izikolo zinokunika izizathu ezibambekayo zokuba aziyi kubanayo imali eyaneleyo ekhutshwa ngokweMimiselo neMigangatho yenkxaso-mali yokuthenga i-odolo yazo eyongezelelweyo iphela, zinokwenza isicelo sokufumana uncedo kwiSebe iWCED. Ithempleyithi emalunga noku iya kukhutshwa xa sele kusondele ixesha lenkqubo yokwenza ii-odolo ekhompyutheni. |
6. |
Iinkcukacha ezithile zenkqubo yokwenza ii-odolo ngekhompyutha, kwakunye nemihla, ziya kwaziswa izikolo ungadlulanga owe-21 Julayi 2014. |
7. |
Kucelwa wazise okukule setyhula bonke abasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:06:13
|
|