| 1. |
Injongo yale setyhula kukungqina imihla yokubhalwa kweeMvavanyo zikaZwelonke zoNyaka (Annual National Assessments) (ANA) ukususela nge-16 ukuya kwi 19 Septemba 2014, njengoko kubonisiwe kule thayimthebhile iqhotyoshelwe apha. Ukungaphumeleli ukulandela ngqo le mihla namaxesha amiselweyo, kuya kuba kukutenxa kwinkqubo yokubhalwa kweemvavanyo (assessment irregularity). |
| 2. |
Le mihla ithatha indawo yemihla yethutyana (provisional dates) eyayaziswe kwiNgcaciso eMfutshane yeCandelo loLawulo loVavanyo 0001/2014. |
| 3. |
Ayililo lonke iqela labafundi kumaBakaka 7 no-8 abaya kubhala i-ANA ngo-2014; kuya kukhethwa isampula yabafundi kumaBakaka 7 no-8 ukuba ibhale i-ANA. Ezi zikolo ziya kukhethwa zize zaziswe kwangethuba ngokumalunga namalungiselelo okubhalwa kwe-ANA. |
| 4. |
Izikolo mazikhumbule ukuba ezi ntsuku kubhalwa ngazo ii-ANA ziintsuku zesikolo eziqhelekileyo nokuba ukufunda nokufundisa kufuneka kuqalise ngoko nangoko emva kokuba lugqityiwe uvavanyo ngalunye. |
| 5. |
Njengoko olu iluvavanyo lukazwelonke, ukubekwa esweni (monitoring) kuya kwenziwa ngamagosa ee-ofisi zezithili zemfundo, ngamagosa ephondo kwakunye nangabameli beSebe leMfundo esiSiseko kuzwelonke (iSebe i-DBE). Qaphela ukuba amagosa abeka esweni inkqubo, aya kuvunyelwa kuphela ukuba abeke esweni uvavanyo ukuba aveza ubungqina besazisi neleta ewagunyazisa ukuba abeke esweni inkqubo egameni le-ofisi echaphazelekayo. |
| 6. |
Ukumakishwa nokumodareyithwa kwangaphakathi kwee-ANA kuya kukwenzelwa esikolweni phantsi kweliso lekomiti yolawulo lwesikolo (school management team), kwaye kufuneka ukuba kugqitywe ungadlulanga owe-29 Septemba 2014. Ziyacelwa iinqununu zezikolo ukuba ziqinisekise ukuba ukumakishwa kweemvavanyo ze-ANA (ANA test material) akwenziwa ngexesha elicwangciselwe ukufundisa nokufunda (ixesha lokufunda eklasini). |
| 7. |
Ukufakwa ekhompyutheni kwamanqaku amodareyithiweyo kwi-Centralised Education Information Management System) (CEMIS) makube sekugqityiwe ungadlulanga owe-24 Oktobha 2014. Kucelwa izikolo zikufake oku kwisicwangciso sazo. |
| 8. |
Kucelwa amagosa ee-ofisi zezithili zemfundo neenqununu zazise okukule setyhula ootitshala, abafundi nabazali ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:05:23
|
 |