| 1. |
Le setyhula ithatha indawo yazo zonke iisetyhula zangaphambili ezinxulumene nemibandela yoPhuhliso lwaBantwana aBasaqalayo (Early Childhood Development (ECD)). |
| 2. |
Ukunyuswa kwenkxaso-mali ngomfundi ngamnye |
| 2.1 |
Kuvunyiwe ukunyuswa kwenkxaso-mali ngomfundi ngamnye (per capita subsidy) kubafundi abakwiiklasi ezivunyiweyo zeBakala R kwizikolo zikarhulumente eziqhelekileyo nakwizikolo ezizimeleyo ze-ECD ukususela nge-1 Apreli 2014. |
| 2.2 |
Inkxaso-mali ngomfundi ngamnye ngosuku inyuswe ngolu hlobo lulandelayo:
IZikolo eziNgabizi ziFizi: Izikolo zikarhulumente eziqhelekileyo
(Izikolo zeNQ 1, 2, 3 nezikhethiweyo ze-NQ 4 no-5)
R24.00 ngosuku x 200 iintsuku zesikolo = R4800 ngomfundi ngamnye ngonyaka.
Izikolo eziBiza iiFizi: Izikolo zikarhulumente eziqhelekileyo nezikolo ezizimeleyo ze-ECD
(Iifizi zesikolo ezingaphezu kwe-R400.00 ngonyaka)
NQ 4=R18.00 ngosuku x 200 iintsuku zesikolo = R3600 ngomfundi ngamnye ngonyaka
NQ 5=R17.00 ngosuku x 200 iintsuku zesikolo = R3400 ngomfundi ngamnye ngonyaka
|
| 2.3 |
IsiHlomelo A sinika iinkcukacha ezipheleleyo zokucakacwa (breakdown) kwezi ntlawulo zenkxaso-mali neziya kuhlawulwa okukuqala ngo-Apreli 2014. |
| 2.4 |
Isikolo sikarhulumente esiqhelekileyo esinabafundi abangaphantsi kwe-20 siya kufumana isixa-mali esiyi-R108 000 ngonyaka esenziwa zezi zixa-mali, i-R84 000 yomvuzo wonyaka weprakhtishina yeBakala R ne-R24 000 yokuthenga izibonelela zokuxhasa ukufunda nokufundisa (LTSM) nokuhlawula iinkonzo zosetyenziso lombane (utility services). |
| 3. |
Ukungeniswa kweefom zamabango (claim forms) |
| 3.1 |
Ziyakhunjuzwa iinqununu zezikolo ezineBakala R neentloko zamaziko e-ECD ukuba izicelo zenkxaso-mali mazingeniswe kwi-ofisi yesithili semfundo yaloo ndawo sikuyo isikolo ingadlulanga le mihla ilandelayo:
| Ikota yesikolo |
I-Ofisi yeSithili |
| Ikota yokuQala ka-2014 |
27 Matshi 2014 |
| Ikota yesiBini ka-2014 |
26 Juni 2014 |
| Ikota yesiThathu ka-2014 |
25 Septemba 2014 |
| Ikota yesiNe ka-2014 |
5 Disemba 2014 |
Ukungeniswa kade sekudlule ixesha kweefom zamabango enkxaso-mali, namaxwebhu abubungqina ahamba kunye nazo, kungaba nefuthe elibi ekuhlawulweni kwezi ntlawulo zenkxaso-mali.
|
| 3.2 |
IsiHlomelo B sineefom zamabango ezintsha nemazisetyenziswe ukususela kwiKota 2. |
| 4. |
Izikolo eziNgaBizi ziFizi eziFundisa iBakala R |
| 4.1 |
Izikolo ezingabizi zifizi ezifumana inkxaso-mali yeBakala R kurhulumente azivumelekanga ukuba zibize iifizi zesikolo kubafundi beBakala R (Funda i-National Financial Management Guidelines in Respect of Schools Offering Grade R Classes, October 2009, iphepha 4). |
| 4.2 |
Banokucelwa abazali ukuba benze igalelo ngokuzithandela (voluntary contributions).
|
| 4.3 |
Mayigxininiswe into yokuba ezi ntlawulo ziligalelo azinyanzelekanga yaye mazingaze zisetyenziselwe ukuvalela ngaphandle abo bazali bangenako ukwenza eli galelo. |
| 5. |
Ukuhlawulwa komvuzo weprakhtishina yeBakala R |
| 5.1 |
Ziyakhunjuzwa izikolo ukuba iiprakhtishina zeBakala R kuzo zonke izikolo mazifumane i-80% epheleleyo yesabelo senkxaso-mali nesihlawulwa kabini ngonyaka. |
| 5.2 |
Ayacelwa amaBhunga oLawulo eZikolo (SGBs) ezikolo ze-NQ 4 neze-NQ 5 ukuba awongezelele umvuzo weprakthishina yeBakala R ukwenzela ukuba iprakthishina ifumane isixa esingaphezulu kwe-R7 000 engowona mvuzo mncinane ngenyanga. |
| 5.3 |
Iiprakthishina zeBakala R “kwiZikolo eziNgabizi ziFizi” zinelungelo lokufumana isixa esipheleleyo esiyi-80% senkxaso-mali. |
| 5.4 |
Intlawulo ze-Unemployment Insurance Fund (UIF) no-Pay As You Earn (PAYE) mazixhuzulwe kumvuzo weprakhtishina yeBakala R zize zihlawulwe kuloo masebe karhulumente achaphazelekayo. Ukongeza, ii-SGBs mazibhalise kwi-South African Revenue Services (SARS) njengabaqeshi. |
| 6. |
Amabanga emfundo eeprakhtishina |
| 6.1 |
Ziyakhunjuzwa iiNqununu neeSGBs ukuba amabanga emfundo angawona asezantsi eprakhtishina yeBakala R ngu-NQF Level 5. |
| 6.2 |
Iinkcukacha zokuhlaziywa kwamabanga emfundo ziyafumaneka kwiiKholeji zeFET. |
| 6.3 |
Makubekho imbopheleleko eqinisekisiweyo phakathi kweprakhtishina yeBakala R, iSGB neNqununu yesikolo yokuhlaziywa kwamabanga emfundo eprakhtishina ukuba ayikabinabanga lemfundo leNqanaba 5 (Level 5 qualification). |
| 7. |
Ukubekwa esweni novavanyo
Ziyakhunjuzwa iinqununu ukuba zizifake iinkcukacha zeeprakthishina zeBakala R kwiziko ledatha. Ukuqinisekisa umgangatho onguwo wokufunda nokufundisa kwiiklasi zeBakala R, mawubekwe esweni qho umsebenzi wezi klasi kunye novavanyo lwazo. |
| 8. |
Inani labafundi beBakala R elivumelekileyo ngeklasi nganye
Iklasi ebukhulu bayo bungabafundi abangaphezu kwe-30 inokuwuchaphazela kakubi umgangatho wokufunda nokufundisa kwiklasi yeBakala R. Ziyakhunjuzwa izikolo ukuba elona nani leklasi labafundi beBakala R likhulu nelivumelekileyo ngu-30 ngeklasi nganye. Umlinganiselo wenani labafundi abafundiswa ngutitshala ngu= 1:30
|
| 9. |
Impilo yabafundi nokhuseleko
Ukuqinisekisa impilo nokhuseleko lwabafundi, ziyacelwa izikolo ukuba ziyigcine yaye ziyiqinisekise njengekhuselekileyo indawo yokudlalela abafundi phandle. Oku kubandakanya ngokukodwa ukulondolozwa lwezixhobo nokulungiswa koojingi (jungle gyms). |
| 10. |
Okukule setyhula makwaziswe bonke abachaphazelekayo kwiBakala R kuzo zonke izikolo zikarhulumente eziqhelekileyo nakwizikolo ezizimeleyo ze-ECD ukuze bonke bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:03:25
|
 |