| 1. |
In November 2012 het die Raad vir Onderwysministers (ROM) dit goedgekeur dat die ID-nommers van leerders verpligtend is op LURITS, SA-SAMS en LURITSgeakkrediteerde skoolbestuursagteware. |
| 2. |
Die verpligte ID-nommerveld sal prinsipale help met die toelatingsbeleidvereistes waar ouers die amptelike geboortesertifikaat van hulle kind moet aanbied wanneer hy of sy tot die skool toegelaat word. |
| 3. |
Artikel 15 van die toelatingsbeleid in die Wet op die Nasionale Onderwysbeleid van 1996 verstrek die volgende:
| |
"Dat wanneer 'n ouer aansoek doen om die toelating van 'n leerder tot 'n gewone openbare skool, die ouer 'n amptelike geboortesertifikaat van die leerder aan die prinsipaal van die openbare skool moet voorlę. Indien ‘n ouer nie ‘n geboortesertifikaat kan voorlę nie, mag die leerder voorwaardelik toegelaat word totdat ‘n kopie van die geboortesertifikaat van die streekskantoor van die Departement van Binnelandse Sake verkry is."
|
|
| 4. |
Die Departement van Basiese Onderwys (DBO) het 'n stel riglyne verskaf (aangeheg as Bylae A) om prinsipale te help om leerders te help om vir geboortesertifikate of studiepermitte aansoek te doen. |
| 5. |
Om te verseker dat ouers voldoen aan vereistes van die skooltoelatingsbeleid, het die DBO die samewerking van die Departement van Binnelandse Sake verkry, wat, op die prinsipaal se versoek, bereid is om ouers te help met hulle aansoeke om die nodige skooltoelatingsdokumente. |
| 6. |
Skole moet die leerder se naam of name, van en ID-nommer akkuraat vaslę, soos dit verskyn op die geboortesertifikaat of studiepermit, op die skool se gerekenariseerde bestuurstelsel. Slegs die teks en geen syfers of spesiale karakters (tensy dit deel uitmaak van die amptelike naam en van, bv. é of ö) word in die naam- en vanvelde toegelaat nie. Voorbeelde soos Peter/John, Sarah-2006, Boni.Michael ens. wat tot name en vanne bygevoeg word, sal deur rekenaarstelsels verwerp word. Dit sal verseker dat leerderdata wat voorgelę word aan LURITS volledig en akkuraat is. |
| 7. |
Vanaf Januarie 2014 is `n fasiliteit op die SOBIS aangebring waar prinsipale moet aandui watter leerders nie ID-nommers het nie. Prinsipale moet hierdie vlag, genaamd "Voorwaardelike aanvaarding" gebruik om die registrasieproses te voltooi in gevalle waar ‘n leerder geen ID-nommer het nie, en die Binneladnse Sake toepassingsproses vir ‘n ID-nommer-aansoek gaan geďnisieer word. |
| 8. |
Inligting oor leerders sonder geboortesertifikate of studiepermitte moet ook vasgelę word en daar moet aangedui word dat die betrokke dokumentasie aangevra is om dit moontlik te maak dat hierdie leerders ook op LURITS gelaai kan word. Ingevolge die nasionale toegangsbeleid, artikel 21,
| |
"Moet persone wat geklassifiseer is as onwettige uitlanders wanneer hulle vir hulle kinders of vir hulleself aansoek doen, bewys lewer dat hulle aansoek gedoen het by die Departement van Binnelandse Sake om hulle verblyf in die land ingevolge die Wet op Vreemdelinge-beheer, 1991 (Wet 96 van 1991) te wettig." |
Sodra die geboortesertifikaat of studiepermit ontvang word, moet die leerderdata onmiddellik bygewerk word op die skool se rekenaarstelsel. |
| 9. |
Alle navrae aangaande die inhoud van hierdie omsendbrief kan gerig word aan die betrokke onderwysdistrikskantoor. |
GETEKEN: PA VINJEVOLD
HOOF: ONDERWYS
DATUM: 2014:02:05
|
 |