1. |
Ingesluit is 'n afskrif van die finale rooster vir die Nasionale Senior Sertifikaat (NSS) -eksamen van Oktober-November 2014. |
2. |
Hierdie rooster is geëndosseer deur die Komitee van Hoofde van Onderwys en goedgekeur deur die Raad van Onderwysministers. |
3. |
Die eksamen is geskeduleer om op 27 Oktober 2014 te begin en eindig op 28 November 2014. Rekenaartoepassingstegnologie Vraestel 1 (Prakties) en Inligtingstegnologie Vraestel 1 (Prakties) sal op 20 en 21 Oktober 2014 onderskeidelik geskryf word. |
4. |
Twee eksamensessies is vir elke dag geskeduleer. Die oggendsessie sal om 09:00 begin en die middagsessie om 14:00. |
5. |
Normale klasse moet voortduur tot 17 Oktober 2014, om soveel onderrigtyd as moontlik te verseker. Prinsipale van skole mag kies om die graad 12-leerders van 2014 toe te laat om vanaf 20 Oktober 2014 tuis te studeer met die oog op voorbereiding vir die NSS-eksamen. |
6. |
Prinsipale word versoek om alle roosterbotsings aan die WKOD te rapporteer. Sulke verslae moet skriftelik ingedien word teen Donderdag, 06 Maart 2014 by die volgende adres:
Hoof: Onderwys Vir aandag: Mnr TJ Magwaca (Kamer 5-27) Wes-Kaap Onderwysdepartement Privaatsak X9114 KAAPSTAD 8000 Faksno. : 021 467 9370 / 086 6165 701 E-posadres: tebo.magwaca@westerncape.gov.za
|
7. |
Prinsipale moet alle kandidate wat die Nasionale Senior Sertifikaat-eksamen skryf inlig dat hulle hulle skooldrag moet dra vir elke eksamensessie, en dat hulle beskikbaar moet wees tot op die laaste dag van die skoolkwartaal (10 Desember 2014), indien dit om enige rede nodig sou wees om 'n bepaalde vraestel te herskeduleer. |
GETEKEN: PA VINJEVOLD
HOOF: ONDERWYS
DATUM: 2014:02:21
|
|