| 1. |
Hierdie omsendbrief vervang Omsendbrief 0003/1997 en het ten doel om skoolhoofde te lei in gevalle waar onderwysers versoek om konferensies, opleidingskursusse en/of seminare by te woon wat deur eksterne diensverskaffers, inrigtings of organisasies gedurende skoolkwartale aangebied word. |
| 2. |
Die Wes-Kaap Onderwysdepartement (WKOD) moedig onderwysers en skoolbestuurspanne aan om toepaslike konferensies, opleidingskursusse en/of seminare te gebruik om goeie klaskamerpraktyk te verbeter en tot die algehele verbetering van kwaliteitonderrig van leer by hulle skool te lei. Die volgende rilgyne moet egter in ag geneem word wanneer eksterne opleiding bygewoon word: |
| 2.1 |
Die konferensie, opleidingskursus en/of seminaar moet nie gedurende onderrigtyd plaasvind nie tensy dit heeltemal onprakties is dat dit na skoolure, oor naweek of gedurende die skoolvakansie gehou word. |
| 2.2 |
'n Afskrif van die voorgestelde program (insluitende besonderhede van die aanbieders) moet, ten ministe een maand vooruit, by die betrokke distriksdirekteur ingedien word. Die voorlegging moet die doel, tyd en inhoud/tema van die konferensie, opleidingskursus en/of seminaar duidelik uiteensit. |
| 3. |
Indien die lang afstande wat afgelê moet word dit moeilik maak om die konferensie, opleidingskursus en/of seminaar na skoolure te hou, kan die distriksdirekteur onderwysers toelaat om die skool vroeër te verlaat. In sodanige gevalle moet die bywoning van konferensies, opleidingskursusse en/of seminare nie die normale skoolprogram ontwrig nie. Elke betrokke skool moet die nodige reëlings getref word om te verseker dat geen ontwrigting plaasvind nie. |
| 4. |
In die geval van formele Kaapse Onderwys- en Leierskapinstituut (KOLI)-kursusse of wanneer WKOD-opleiding of distrikskantoor intervensies bygewoon word, wat deur die distrik goedgekeur is, is dit nie nodig om verlof te neem nie aangesien dit as indiensopleiding beskou word. |
| 5. |
Bring asseblief die inhoud van hierdie minuut onder die aandag van alle onderwysers by u skool. |
GETEKEN: PA VINJEVOLD
HOOF: ONDERWYS
DATUM: 2014:12:02
|
 |