1. Die Wes-Kaap Onderwysdepartement is deur die Departement van Basiese Onderwys versoek om alle skole in die Wes-Kaap Provinsie in te lig oor die herroeping en verwydering van die Maatreëls vir die Voorkoming en Bestuur van Leerderswangerskappe.
2. In 2007 het die Departement van Basiese Onderwys die Maatreëls vir die Voorkoming en Bestuur van Leerderswangerskappe gepubliseer as `n antwoord op die groeiende probleem van leerderswangerskappe en die behoefte om aan skole leiding te gee.
3. Daar is egter bevind dat hierdie maatreëls teenstrydig is met die Grondwet, veral die leerder se reg tot basiese onderwys, aangesien leerders op grond van hierdie maatreëls geskors is. Daar is ook bevind dat die maatreëls onregverdiglik op grond van geslag en swangerskap diskrimineer.
4. Die Departement van Basiese Onderwys het in 2011 hierdie maatreëls herroep en dit is dus nie meer van toepassing nie.
5. Neem asseblief kennis dat die Wes-Kaap Onderwysdepartement se beleid oor die Bestuur van Leerderswangerskappe steeds van toepassing is wat onder dekking van Omsendbrief 121/2003, gedateer 13 Mei 2003, aan skole verskaf is.
6. Bring asseblief die inhoud van hierdie omsendbrief onder die aandag van alle opvoeders en ouers van leerders.


GETEKEN: PA VINJEVOLD
HOOF: ONDERWYS
DATUM: 2014:12:09