1. Ingevolge die Regulasie betreffende die afneem van 'n Eed of Bevestiging, en soos in artikel 6 van die Wet op Vrederegters en Kommissarisse van Ede, 1963 (Wet 16 van 1963) uitgevaardig, het die Minister van Justisie, met betrekking tot die kantoor van die "ex officio Kommissarisse van ede", onder andere, die ampte in die volgende kategorieë kommissarisse van ede te wees, aangewys:

Opvoedkundige inrigtings:

  1. Onafhanklike skool - Prinsipaal of Skoolhoof van 'n onafhanklike skool;

  2. Skole, onderwyskolleges wat deur of kragtens 'n wet daar gestel is– Prinsipaal, Adjunk-prinsipaal, Skoolhoof en Adjunk-hoof; en

  3. Onderwyshulpdienste en professionele komponente – Bekleër van 'n pos op posvlak 4 en hoër.

Staatsdiens:

  1. Beamptes in die Administratiewe, Vakkundige, Klerklike, Tegniese of Algemene Aen Algemene B-afdelings van die Staatsdiens wat 'n pos beklee met 'n salarisskaal, waarvan die minimum kerf gelykstaan met of hoër is as die minimum kerf van salarisvlak 2 wat in die Staatsdiens van toepassing is; en

  2. Werknemers wat teen poste in die Administratiewe, Vakkundige, Klerklike, Tegniese of Algemene A- en Algemene B -afdelings van die Staatsdiens gehou word, indien die minimum kerf van die salarisskaal wat op sodanige poste van toepassing is, gelykstaan met of hoër is as die minimum kerf van 'n salarisvlak 2 wat in die Staatsdiens van toepassing is.
2. Alle werknemers van die Wes-Kaap Onderwysdepartement (WKOD) word versoek om hulle te vergewis van die bogenoemde beleid en die magte en pligte van 'n kommissaris van ede. Beamptes wat hierdie funksie verrig, moet dit ywerig en op die voorgeskrewe wyse doen.
2.1 Voordat 'n kommissaris van ede aan iemand die eed of bevestiging voorskryf, moet die kommissaris die verklaarder vra:

  1. of hy/sy vertroud is met die inhoud van die verklaring en dit begryp;

  2. of hy/sy enige beswaar het teen die aflê van die voorgeskrewe eed; en

  3. of hy/sy die voorgeskrewe eed as binded op sy/haar gewete beskou.
2.2 Indien die verklaarder erken dat hy/sy vertroud is met die inhoud van die verklaring en dit begryp en die kommissaris van ede meedeel dat hy/sy nie beswaar het teen die aflê van die eed nie en dit as bindend vir hy/sy gewete beskou, neem die kommissaris van ede die eed af.
2.3 Indien die verklaarder erken dat hy/sy vertroud is met die inhoud van die verklaring en dit begryp, maar beswaar maak teen die aflê van die eed of die kommissaris van ede meedeel dat hierdie eed nie bindend op sy of haar gewete is nie, sal die kommissaris van ede 'n bevestiging aflê ('n formele verklaring deur 'n persoon wat weier om 'n eed af te lê).
2.4 Die verklaarder onderteken die verklaring in die teenwoordigheid van die kommissaris van ede.
2.5 Indien die verklaarder nie kan skryf nie, bring hy/sy in die teenwoordigheid van die kommissaris van ede sy/haar merk onderaan die verklaring aan, met dien verstande dat indien die kommissaris van ede twyfel het aangaande die verklaarder se onvermoë om te skryf, hy vereis dat sodanige onvermoë onderaan die verklaring deur 'n ander betroubare persoon gesertifiseer word.
2.6 Onder die handtekening of merk van die verklaarder sertifiseer die kommissaris van ede dat die verklaarder erken het dat hy/sy met die inhoud van die verklaring vertroud is en dit begryp en meld hy/sy die wyse, plek en datum van die afneem van die verklaring aan.
2.7 Die kommissaris van ede:

  1. onderteken die verklaring en meld sy/haar volle naam en besigheidsadres in drukletters onder sy/haar handtekening aan;

  2. meld sy/haar ampstitel en die gebied waarvoor hy/sy aangestel is of die amp indien hy/sy die posisie van ex officio hou; en

  3. is onpartydig, onbevooroordeeld en heeltemal onafhanklik van die kantoor waar die verklaring opgetrek word indien hy/sy 'n beëdigde verklaring attesteer.
2.8 'n Kommissaris van ede mag geen gelde vorder vir die afneem van enige eed of bevestiging of die attestering van 'n verklaring nie.
2.9 'n Kommissaris van ede mag nie 'n eed of bevestiging afneem met betrekking tot 'n saak waarin hy of sy 'n belang het nie.

3. Bring asseblief die inhoud van hierdie omsendbrief onder die aandag van alle personeel.


GETEKEN: PA VINJEVOLD
HOOF: ONDERWYS
DATUM: 2014:12:02