| 1. |
Die Wes-Kaap Onderwysdepartement (WKOD) het die versoeke vir plaasvervangeropvoeders wat van skole ontvang is, bespreek. Die aantal versoeke vir plaasvervangeraanstellings het, oor die afgelope paar weke, aansienlik gegroei. Die WKOD het dus besluit dat alternatiewe reëlings ten opsigte van die bestuur van afwesigheid, vir watter rede/s ookal, in samewerking met die betrokke skole, deur die distrikte ondersoek word. |
| 2. |
Distriksbeamptes moet die geldigheid van `n versoek noukeurig oorweeg voor plaasvervanger-aanstellings na 14 November 2014 aanbeveel word. Nuwe aansoeke vir plaasvervanger-aanstellings sal nie goedgekeur word waar die aanstelling op of na 17 November 2014 begin nie. Alternatiewe reëlings moet dus ondersoek word vir die toesighouding van leerders. |
| 3. |
Voor enige aanstellings gemaak word, moet uitsonderlike gevalle met die Direkteur: Werwing en Keuring, mnr Alan Meyer bespreek word by tel. 021 467 2661. |
| 4. |
Waar sodanige aansoeke ingedien word en vooraf goedkeuring nie verleen is nie, sal die verantwoordelike inrigting die opvoeder/s self moet vergoed. |
| 5. |
U samewerking in hierdie verband word waardeer. |
GETEKEN: PA VINJEVOLD
HOOF: ONDERWYS
DATUM: 2014:11:17
|
 |