1. Goedkeuring is verkry van die Hoof: Onderwys vir die voorsiening van staatsdiens ondersteuningspersoneel diensstaate aan gewone openbare skole vir 2015 ooreenkomstig die norme en standaarde soos oorgedra in Omsendbrief 0025 van 2011. Die goedgekeurde norme en standaarde is soos volg:

0 tot 200 leerders: Skool ontvang 'n subsidie
201 tot 400 leerders: 1 Admin. Klerk, 1 Voorman en 1 Algemene Assistent
401 tot 800 leerders: 1 Admin. Klerk, 1 Voorman en 2 Algemene Assistente
801 tot 1200 leerders: 2 Admin. Klerke, 1 Voorman en 2 Algemene Assistente
1201 of meer leerders: 2 Admin. Klerke, 1 Voorman en 3 Algemene Assistente
2. Gewone openbare skole wat staatsdiens ondersteuningspersoneel poste gedurende 2015 verloor en wat werknemers in die geaffekteerde poste gekontrakteer het gedurende 2014, mag nie die kontrakte van die geaffekteerde werknemers na 31 Desember 2014 verleng nie. Prinsipale moet kontrakpersoneel teen 30 November 2014 op die laatste inlig dat hulle kontrakte nie na Desember 2014 verleng kan word nie.
3. Permanente staatsdiens ondersteuningspersoneel by skole waar ondersteunings-personeelposte verloor word, sal gepas geplaas word teenoor vakante poste by ander skole, met inbegrip van die nuwe poste wat gedurende 2015 geskep moet word. Die proses van gepaste plasing sal deur die distrikskantore hanteer word. Alle permanente werknemers wat nie gepas geplaas kan word nie sal botallig verklaar word en sal by hulle skole aanbly sonder veranderings aan hulle diensvoorwaardes. In die geval waar permanente poste vakant raak, sal botallige werknemers voorkeur geniet vir plasing in sodanige poste voordat goedkeuring verleen word om poste op 'n kontrakbasis te vul.
4. Alle nuwe staatsdiens-ondersteuningspersoneelposte wat nie gevul kon word deur die proses van gepaste plasing nie, sal geadverteer word in the inrigtinggebaseerde staatsdiens-ondersteuningspersoneel vakaturelyste vir 2015. Geen kontrakaanstellings vir nuut geskepte staatsdiens-ondersteuningspersoneelposte mag gemaak word vir die periode 1 Januarie 2015 tot 31 Maart 2015 nie aangesien die poste eers effektief is vanaf 1 April 2015.
5. Die staatsdiens se ondersteuningspersoneeldiensstate vir 2015 sal gepubliseer word op CEMIS op 17 Oktober 2014.


GETEKEN: PA VINJEVOLD
HOOF: ONDERWYS
DATUM: 2014:10:16