1. Inleiding
1.1 Skoolbeheerliggame (SBL'e) speel 'n belangrike rol in die ondersteuning van prinsipale en skoolbeheerspanne in die voorsiening van behoorlike leierskap en beheer in ons skole.
1.2 Die nasionale SBL-verkiesing is geskeduleer vanaf 06 Maart 2015 tot en met die einde van die 1ste skoolkwartaal van 2015. Die verpligte induksieopleiding van die nuutverkose SBL'e sal plaasvind tussen 13 April en 26 Junie 2015.
1.3 Die algemene doel van die verkiesingsproses is om te verseker dat behoorlik verkose, bevoegde en visioenêre beheerraadslede verkies word om kwaliteit onderrig en leer by skole te ondersteun.
1.4 Die implementering van die 2015 verkiesingsproses vereis die betrokkenheid van beamptes op alle vlakke van die onderwysstelsel, asook sleutelbelanghebbendes soos SBL-verenigings.

2. Die hersiene provinsiale maatreëls

Die Wes-Kaap Onderwysdepartement (WKOD) is in die proses om die hersiene provinsiale maatreëls betreffende beheerliggame vir openbare skole te finaliseer. Dit sal mettertyd aan skole gestuur word.

3. Afwykings van die enkeldag vir nominasie- en verkiesingsproses
3.1 Skole wat wil afwyk van die nominasie- en –verkiesingsdag se proses, soos uiteengesit in die provinsiale maatreëls, moet by die Departementshoof (DH) aansoek doen om goedkeuring.
3.2 Enige afwyking moet op geen wyse die betrokkenheid van enige ouers benadeel nie. Dit moet deeglik verduidelik en gemotiveer word aan die skoolgemeenskap sodat almal verstaan watter proses gevolg moet word.
3.3 Die redes vir die afwyking moet duidelik uiteengesit word in die aansoek aan die DH.

4. Verkiesing van lede van die Verteenwoordigende Leerderraad (VLR) tot die SBL
4.1 Die VLR sal uit eie geledere twee leerders kies wat lede sal wees van die SBL. Die ampstermyn van 'n lid van die beheerliggaam wat 'n leerder is, mag nie een akademiese jaar oorskry nie.
4.2 Dit sal nie nodig wees om weer die twee nuwe VLR-lede wat op die SBL dien, te verkies nie, aangesien hulle reeds in plek is. Hulle termyn op die SBL oorskry nie een jaar nie, en hulle is verkiesbaar om op die nuwe SBL te dien tot aan die einde van 2015.

5. Ondersteuning aan skole
5.1 Dit is die plig van die kiesspan vir die distrik om toesig te hou oor die verkiesingsproses in die onderwysdistrikte en kringe.
5.2 Indien 'n skool ondersteuning benodig of navrae het, moet die prinsipaal die toepaslike kiesspankoördineerder vir die distrik kontak, soos hieronder aangedui:

No. Education district District electoral team co-ordinator Telephone
1 Kaapse Wynland Mnr J Goliath 023 348 4604
2 Eden & Sentrale Karoo Mnr E Magodla 044 803 8300
3 Metro-Sentraal Mnr S Hattingh 021 659 4300
4 Metro-Oos Mnr K de Wet 021 900 7000
5 Metro-Noord Mnr H Botha 021 938 3000
6 Metro-Suid Mnr R Job 021 370 2000
7 Overberg Mnr J Bailey 028 212 1730
8 Weskus Me A Truter 021 860 1200

6. Koöptering van ouerlede vir die tydperk 01 Januarie – 30 Maart 2015 6.1. 6.2. 6.3. 7. 7.1. 7.2. 7.3.
6.1 Toevallige vakatures kan, weens die beëindiging van die ampstermyn van sommige ouerlede, binne die SBL'e plaasvind gedurende die bogenoemde tydperk vir die rede soos uiteengesit in maatreëls 3(e) van die hersiene maatreëls (3(d) van die huidige maatreëls). In hierdie gevalle moet skole gepaste bekwame lede koöpteer om op die SBL te dien gedurende die 1ste kwartaal van 2015.
6.2 Gekoöpteerde lede sal vir 'n tydperk van 90 dae stemreg hê.
6.3 Die kiesspan vir die distrik sal ook skole en SBL'e voorsien van inligting aangaande die oorhandigingsproses van die huidige tot die nuutverkose SBL. Dit sluit ook inligting in vir die nuutverkose SBL.

7. Bekendstelling
7.1 Verskillende bekendstellingstrategieë word beplan op nasionale, provinsiale en distriksvlakke om ouers, gemeenskaplede, onderwysers en nie-onderwyspersoneel aan te moedig aan die SBL-verkiesingsproses by die skool om deel te neem.
7.2 Op gemeenskapsvlak onderneem SBL-verenigings as lede van die Provinsiale Kiesspan die mobilisering van ondersteuning, met behulp van verskeie gemeenskapstrukture.
7.3 Skoolkiesspanne word ook aangemoedig om hulle eie strategieë te ontwikkel om ondersteuning vir die komende verkiesings by hulle skole te mobiliseer.


GETEKEN: PA VINJEVOLD
HOOF: ONDERWYS
DATUM: 2014:09:22