1. Dit het onder die aandag van die Wes-Kaap Onderwysdepartement (WKOD) gekom dat 'n ongegronde gerug versprei word aangaande die betaling van die pensioenvoordele na 2013 en met ingang van 2015.
2. Die gerugte dui daarop dat daar geen enkelbedrag betaalbaar sal wees aan die Regeringswerknemerspensioenfonds (RWPF)-lede nie.
3. Die WKOD sowel as die RWPF is nie seker waar die gerugte ontstaan het nie. Lede kan egter verseker wees dat die RWPF se Raad van Kurators geen veranderinge aan die fonds goedgekeur het nie.
4. Volgens die Fonds se reëls, sal die RWPF voortgaan om alle voordele aan lede te betaal wat die Fonds verlaat. Dit beteken dat diegene wat geregtig is op 'n eenmalige enkelbedrag betaling, hierdie betaling sal ontvang, terwyl diegene wat geregtig is op 'n maandelikse pensioen bo en behalwe die eenmalige enkelbedrag betaling, hierdie geld sal ontvang.
5. Alle RWPF-voordele word gedefinieer in die RWP Wet en Reëls en hierdie voordele is dus gewaarborg. Lede sal nooit minder ontvang as die voordele waarvoor hulle kwalifiseer nie, en die pensioen is dus veilig.
6. Ten slotte, het die RWPF die WKOD die versekering gegee dat hulle finansieel sterk is, soos per die onlangse jaarverslag. Daar is dus geen rede om te vrees dat hierdie voordele nie in die toekoms betaal sal word nie.
7. Maak asseblief seker dat hierdie omsendbrief onder die aandag van alle personeel onder u toesig gebring word.


GETEKEN: PA VINJEVOLD
HOOF: ONDERWYS
DATUM: 2014:09:19