Die Wes-Kaap Onderwysdepartement sal saam met diensverskaffers en skole werk om skole oor 'n twee- tot driejaarperiode te verbind.

'n Verteenwoordiger van die Sentrum vir e-Innovasie (SEI) sal vanaf September 2014 'n afspraak met u maak om die mees gepaste manier om skole aan die WAN te verbind, te bespreek.

Neotel en die Sentrum vir e-Innovasie (SEI) by die Departement van die Premier moet u skool besoek om byvoorbeeld te bepaal hoe om 'n optiese v esel kabel vanaf die grens van die skool tot by 'n aangewese punt binne die skool te installeer.

Ons sal dit opreg waardeer indien u op die volgende maniere kan help:

• Maak seker dat hierdie verteenwoordigers toegang het tot alle gebiede wat gebruik sal word om die optiese vesel kabel en verbindingsbokse te installeer
• Delegeer 'n kundige verteenwoordiger van die skool om tydens die besoek beskikbaar te wees
• Identifiseer en bied toegang tot 'n beveiligde plek waar diensverskaffers die hoofpunte van die optiese vesel kabel kan installeer. Dit kan byvoorbeeld, 'n administratiewe kantoor, die bedienerkamer, die rekenaarkamer, mediakamer of 'n ander geskikte en beveiligde plek wees wat ten minste twee kragpunte en twee vierkante meter beskikbare vloerruimte het. Die diensverskaffer sal oor die geskiktheid raad gee.
• Maak seker dat ‘n gemagtigde persoon by is om die kabelinstallasie goed te keur soos ooreengekom deur beide die skool en verteenwoordigers van Neotel en die SEI.

Ons sal u binnekort verder inlig oor die bekendstellingsprogram en die aanvang van die werk.

Indien u meer wil weet oor die opname by u skool, kontak asseblief die tegniese hulpdiens:

SchoolsIT.Helpdesk@westerncape.gov.za
Tel: 021 900 7123
Faks: 021 903 1329