| 1. |
2015 onderwys personeeldiensstate |
| 1.1 |
Die 2015 onderwys personeeldiensstate van spesiale openbare skole is bepaal ingevolge die hersiene posvoorsieningsnorme goedgekeur deur die Komitee van Onderwyshoofde in 2007, en ingevolge die Wes-Kaap Onderwysdepartement (WKOD) se aanbevole norme, soos ooreengekom in 2007 met met die onderwyserunies en die skoolbeheerliggaamverenigings. |
| 1.2 |
Die onderwyser personeeldiensstate vir 2015 sal gepubliseer word op die Sentrale Onderwysbestuursinligtingstelsel (SOBIS), onder die skakel van Administration (Establishments) op 29 Augustus 2014. |
| 2. |
Maatreëls (Breë beginsels) |
| 2.1 |
Posstruktuur
Die posstruktuur en beskrywings vervat in Kollektiewe Ooreenkoms 4/2003 van die Raad op Arbeidsverhoudinge in die Onderwys (RAVO) is van toepassing op onderwys personeeldiensstate. |
| 2.2 |
Skoolgradering
Skole word gegradeer ooreenkomstig die Skoolgraderingsnorme soos bevat in RAVO Kollektiewe Ooreenkoms 3 van 2006. Sien asseblief paragraaf 2.1 hierbo. |
| 2.3 |
Poste wat verval op 31 Desember 2014
Ingevolge die maatreëls van die Hersiene Posverspreidingsmodel, moet spesiale openbare skole van hulle jaarlikse diensstate voorsien word voor die einde van September van die voorafgaande jaar. Dus, vir die 2014 akademiese jaar sal alle opvoederposte wat uitgereik was addisioneel tot die vaste personeeldiensstate van spesiale openbare skole op 31 Desember 2014 verval.
|
| 3. |
Vul van geadverteerde poste |
| 3.1 |
Alle poste wat reeds in 'n departementele Vakaturelys geadverteer is, mag permanent gevul word, mits daardie poste op die diensstaat vir 2015 verskyn. |
| 3.2 |
Indien 'n geadverteerde pos nie op die diensstaat vir 2015 verskyn nie, is die skool nie geregtig op daardie pos nie en sal sodanige pos as foutiewelik geadverteer, beskou word. |
| 3.3 |
Die bepaling dat 'n geadverteerde pos (veral 'n bevorderingspos) slegs gevul kan word indien dit nie veroorsaak dat 'n botallige onderwyser geskep word nie, bly van krag. |
| 3.4 |
Indien die skoolhoof en die beheerliggaam van mening is dat die posbeskrywing van die geadverteerde pos nie langer aan die kurrikulumbehoeftes van die inrigting voldoen nie, mag hulle die WKOD versoek om die pos te beskou as foutiewelik geadverteer. 'n Volledige verduideliking moet so 'n versoek vergesel. |
| 4.1 |
Onderwysers wat reeds as botallig verklaar is, gebaseer op vorige diensstate en in ooreenstemming met vorige prosesse en wat steeds botallig is, behou hulle botallige status. Hierdie onderwysers sal ingevolge die geldende kollektiewe ooreenkomste van die Raad op Arbeidsverhoudinge in die Onderwys (RAVO) hanteer word. |
| 4.2 |
Botallige onderwysers kan deur middel van passing en plasing in vakatures op die nuwe diensstaat opgeneem word. |
| 4.3 |
Onderwysers wat permanent aangestel is moet ingevolge die Kollektiewe Ooreenkoms 2 van 2003 van die RAVO geïdentifiseer word. |
| 4.4 |
Die verklaring van botallige onderwysers wat nie gepas geplaas kan word teenoor die 2015 onderwyspersoneeldiensstaat nie, moet teen 30 November 2014 afgehandel wees. Kringspanbestuurders sal briewe uitreik aan betrokke onderwysers wat hulle in kennis stel dat hulle as botallig verklaar is en afskrifte van sodanige briewe moet aan die Direktoraat: Werwing en Keuring gestuur word, vir die aandag van mnr Lindsay Jansen, teen nie later nie as 30 November 2014. |
| 5. |
Navrae
Rig asseblief alle navrae aangaande hierdie omsendbrief en die relevante wetgewing aan u kringspanbestuurder.
|
| 6. |
Algemeen
Bring asseblief die inhoud van hierdie omsendbrief onder die aandag van alle opvoeders en lede van die skoolbeheerliggaam.
|
GETEKEN: PA VINJEVOLD
HOOF: ONDERWYS
DATUM: 2014:08:28
|
 |