Die Wes-Kaap Onderwysdepartement belê aansienlik in die daarstelling van infrastruktuur en onderwyshulpbronne om optimale onderrig en leer moontlik te maak. Dit is belangrik dat Skoolbestuurspanne (SBS'e) en Skoolbeheerliggame (SBL'e) sorg neem in die gebruik en bestuur van hierdie fasiliteite/hulpbronne.
Ten einde departementele pogings en belegging in ons skole te handhaaf, sal dit waardeer word indien SBS'e en SBL'e met die volgende kan help:
| 1. | Verseker dat infrastruktuurfasiliteite vir die beoogde doel gebruik word. Dat biblioteke/mediasentrums, in die besonder, sentraal is tot die Departement se pogings om geletterheid en gesyferdheid te verbeter en dit moet optimaal benut word. |
| 2. | Verseker dat `n meubelinventaris gehou word, gereeld opgedateer word en maksimaal benut word. |
| 3. | Meubels of toerusting wat nie in gebruik is nie moet aan die Distrikskantoor gerapporteer word vir moontlik hulp aan skole waar behoeftes geregistreer is. |
| 4. | Die behoorlike rekordhouding, berging, uitreiking en invordering van handboeke. |
Moenie huiwer om u Kringspanbestuurder (KSB) en Inrigtingsbestuur en –beheer (IBB)-adviseur te kontak vir leiding oor die toepaslike gebruik van alle infrastruktuur en ander hulpbronne nie.
Die uwe
GETEKEN: PA VINJEVOLD
HOOF: ONDERWYS
DATUM: 2014:08:28
