1. Artikel 36(1) van die Suid-Afrikaanse Skolewet, 1996 (Wet 84 van 1996) stipuleer dat die beheerliggaam van `n openbare skool (skoolgeldheffende asook geenskoolgeldskole) alle redelike maatreëls binne sy vermoë moet tref om die hulpbronne wat deur die Staat voorsien word, aan te vul om die gehalte van onderrig wat deur die skool verskaf word, te verbeter. Dit kan insluit die aanvaarding van vrywillige bydraes deur ouers.
2. Ten einde duidelikheid te verskaf oor die administrasie van die kwessie van vrywillige bydraes deur ouers en 'n kultuur van welwillendheid jeens gehalte onderrig by skole onder ouers te kweek, het die Departement van Basiese Onderwys riglyne ten opsigte van die vrywillige bydraes deur ouers, uitgereik.
3. Aangeheg is `n kopie van die riglyne vir die implementering en verspreiding aan ouers en ander belanghebbendes.


GETEKEN: PA VINJEVOLD
HOOF: ONDERWYS
DATUM: 2014:08:14

"South African Schools Act, 1996"  (grootte: 255 KB)
Riglyne vir vrywillige bydraes van ouers by openbare skole  (grootte: 30 KB)