| 1. |
Soos uiteengesit in Omsendbrief S10 van 2014, sal die Departement van Basiese Onderwys (DBO) werkboeke druk en aan alle openbare skole (gewoon en spesiaal) in die Wes-Kaap versprei, vir die 2015 skoolkalenderjaar.
Die volgende boeke sal direk by skole afgelewer word:
- Graad R-werkboeke;
- Graad 1 - 6 Huistale;
- Graad 1 - 3 Wiskunde in taal van onderrig en leer;
- Graad 4 - 9 Wiskunde in Engels en Afrikaans;
- Graad 1 - 6 Eerste Addisionele Taal in Engels; en
- Graad 1 - 3 Lewensvaardighede in taal van onderrig en leer
Volume 1 vir 2015 (Kwartaal 1 en 2) sal tussen 05 Augustus en 30 September 2014 by alle skole afgelewer word.
Volume 2 vir 2015 (Kwartaal 3 en 4) sal tussen 13 Oktober en 5 Desember 2014 by alle skole afgelewer word.
|
| 2. |
Gedurende April 2014 is die Wes-Kaap Onderwysdepartement (WKOD) versoek om die DBO te voorsien van die geprojekteerde leerdergetalle vir werkboeke om vir 2015 gedruk en afgelewer te word. Die leerdergetalle wat aan die DBO voorsien is, is gebaseer op die betrokke SOBIS inligting wat op daardie tydstip beskikbaar was. |
| 3. |
Die aantal werkboeke wat by elke skool afgelewer sal word, bestaan uit die leerdergetalle wat deur die WKOD aan die DBO voorsien is. Die aantal werkboeke per graad wat skole kan verwag om deur die DBO afgelewer te word, kan op die LOOM (KABV-handboeke) webblad, op die WKOD se webwerf, besigtig word. Die webwerf se adres is http://wcedonline.pgwc.gov.za/branchPS/LTSM/index.html |
| 4. |
'n Riglyndokument wat die prosedure voor en gedurende die aflewering van die werkboeke uiteensit, is as Bylae A by hierdie omsendbrief aangeheg. |
| 5. |
Wanneer die werkboeke deur die DBO-diensverskaffer afgelewer word, word daar van skole verwag om die aantal werkboeke wat afgelewer word, te vergelyk met die getal wat op die bogenoemde webwerf voorsien is. Enige verkeerde taal aflewerings of tekorte moet op die bewys van aflewering aangedui word en met die diensverskaffer opgeneem word, wat die werkboeke namens die DBO afgelewer het. |
| 6. |
Die DBO laai die bewys van aflewering (BVA) van elke skool op die volgende webwerf: http://www.schoolmaster.org.za Skole en distrikte word aangemoedig om toegang tot hierdie webwerf te verkry om die afleweringsbesonderhede te verifieer. Die skool se OBIS no. kan gebruik word om op die webwerf aan te teken. |
| 7. |
Gedurende Oktober 2014, sal daar van alle skole waar handboeke afgelewer is verwag word om toegang tot die SOBIS te verkry om die geprojekteerde leerdergetalle vir 2015 vas te lê, asook die werklike aantal werkboeke per vak per graad wat vanaf die DBO ontvang is. Sodoende sal tekorte en oorskotte geïdentifiseer word en aan die distrikte gekommunikeer word. |
| 8. |
Betrokke distrikskantore sal verantwoordelik wees om die verspreiding van werkboek tekorte te fasiliteer. |
| 9. |
Die gebruik van werkboeke sal deur die distrik en Hoofkantoor se beamptes gemonitor word. |
| 10. |
Bring asseblief die inhoud van hierdie omsendbrief onder die aandag van alle betrokke personeellede. |
GETEKEN: PA VINJEVOLD
HOOF: ONDERWYS
DATUM: 2014:07:31
|
 |