1. Skole is in Omsendbrief 0023/2014 in kennis gestel dat die Wes-Kaap Onderwysdepartement (WKOD) 'n aanlyn fasilitiet ontwikkel het om graad 1-12 handboeke, kernleesboeke (graad 4-6), novelle (graad 7-9) en onderwysergidse ter voorbereiding vir Januarie 2015, te bestel.
2. Die doel van hierdie aanlyn bestelfasiliteit is om skole die geleentheid te bied om hulle beskikbare hoeveelheid handboeke aan te vul tot die aantal leerders wat in 'n spesifieke graad in Januarie 2015 verwag word. Skole sal gevolglik hulle geprojekteerde aantal leerders vir 'n vak en graad in Januarie 2015 moet aandui, en die aantal handboeke wat tans in die skool se besit is, assesseer en aandui (insluitende oortollige handboeke wat gestoor word).
3. Die nasionale katalogusse vir graad 1-12 handboeke, kernleesboeke en onderwysergidse asook die goedgekeurde provinsiale katalogus vir graad 7-9 novelle, sal op die aanlyn fasiliteit beskikbaar wees.
4. Hierdie aanlyn fasilitiet sal vanaf 21 Julie tot 1 Augustus 2014 beskikbaar wees vir skole om hulle leer en onderrigondersteuningsmateriaal (LOOM)-behoeftes vas te lê.
5. Die prosedure wat gevolg moet word wanneer 'n skool se LOOM-behoeftes bestel word, is op die SOBIS se bestel webwerf geplaas.
6. Wanneer handboeke bestel word, sal die aanlyn stelsel skole vereis om hulle geprojekteerde aantal leerders vir Januarie 2015 per vak en graad aan te dui. Verder, sal skole die hoeveelheid handboeke wat tans by die skool is (insluitende die in die stoor), moet aandui.
7. Skole word versoek om hulle Norme en Standaarde-toekennings, wat vanaf die WKOD vir 2014/15 ontvang is om LOOM aanvullingsbehoeftes te betaal, te gebruik.
8. Skole mag aansoek doen om finansiële bystand van die WKOD in gevalle waar dit gestaaf kan word dat die skool se beskikbare Norme en Standaarde-toekenning vir 2014/15 nie genoeg sal wees om vir alles of deel van die aanvullende handboeke wat die skool vir Januarie 2015 benodig, te betaal nie. Waar sodanige hulp benodig word moet skole die aangehegte profielvorm (Bylae A) voltooi en dit teen Vrydag 1 Augustus 2014 via e-pos aan ltsmprojects@westerncape.gov.za stuur.
9. Die WKOD sal slegs finansiële bystand vir aanvullende handboeke oorweeg en nie vir die aankoop van kernleesboeke, novelle en onderwysersgidse nie.
10. Bring asseblief die inhoud van hierdie omsendbrief onder die aandag van alle betrokke personeel.


GETEKEN: PA VINJEVOLD
HOOF: ONDERWYS
DATUM: 2014:07:10

Bylae A: Versoek om finansiële bystand – Aanvulling van handboeke vir Januarie 2015  (grootte: 120 KB)