1. Hierdie omsendbrief lig prinsipale, opvoeders en distriksbeamptes in oor die prosedure vir die vaslegging van 'n opsomming van die skool se kwartaalprestasie vir Junie, September en Desember 2014 by openbare skole in die Wes-Kaap.

2. Skole en beamptes moet weet hoe leerders in elke graad op 'n kwartaalikse basis presteer om sodoende prestasie teenoor vasgestelde teikens na te spoor, in staat te wees om moontlike risiko’s te identifiseer en geskikte ingrypings te beplan.

3. Tot dusver is baie verskillende metodes regoor die distrikte in werking gestel om hierdie data in te samel en noukeuring te vergelyk. Dit het gelei tot probleme in die samestelling van 'n opsomming en om in staat te wees om prestasie op hierdie stelsel doeltreffend te monitor.

4. In 'n poging om hierdie proses meer vaartbelyn te maak, het die Hoofdirektoraat: Distrikte weer 'n aanlyn vasleggingsfasiliteit op SOBIS geaktiveer vir skole om dit aan die einde van elke kwartaal te gebruik.

5. Skole word versoek om hulle kwartaalprestasie ('n opsomming van graad 1- 12) op SOBIS, teen die volgende datums per kwartaal, vas te vang:

KWARTAAL: DATUM
2 Vrydag, 25 Julie 2014
3 Vrydag, 17 Oktober 2014
4 Vrydag, 12 Desember 2014 (Slegs graad 1-11)

6. Om toegang tot die vasleggingskerm op die SOBIS te verkry, gaan na die:

  • "Assessments" oortjie;
  • Kies "Term Performance" in die aftuimellys;
  • Kies die graad wat van toepassing is;
  • Kies Kwartaal 2;
  • Le die uitslae in die vereiste velde vas; en
  • Sodra dit voltooi is, kliek op die indien knoppie en die uitslae sal gestoor word.
7. Die aangehegte Bylae A dien as 'n duidelike riglyn oor hoe om toegang tot die vasleggingskerm op die SOBIS te verkry.

8. Prinsipale word versoek om die inhoud van hierdie omsendbrief aan alle opvoeders beskikbaar te stel.


GETEKEN: PA VINJEVOLD
HOOF: ONDERWYS
DATUM: 2014:06:25

Bylae A  (grootte: 491 KB)
CEMIS Contact details during office hours  (grootte: 64 KB)