1. Alle werknemers moet teen hierdie tyd daarvan bewus dat enige afwesigheid van diens deur die toekenning van verlof van watter aard ookal gedek moet word.

2. Om die verlofadministrasie te verbeter, moet daar op die volgende belangrike punte gelet word:
2.1 'n Werknemer wat verlof wil neem, moet sy/haar verlofaansoek so ver as moontlik, vroegtydig voorlę.
2.2 Dit bly die verantwoordelikheid van die aansoeker om verlofvorms te voltooi en aan die toesighouer voor te lę (sien paragraaf 2.3 van Omsendbrief 5 van 2012 gedateer 10 Februarie 2012).
2.3 Vir maklike verwysing en om die administrasieproses verder te verbeter, moet werknemers en toesighouers/bestuurders asseblief die naam van die skool/instansie/kantoor, asook die betrokke onderwysdistrik op die verlofvorm aandui.
2.4 Die voltooide verlofaansoekvorm (Z1-vorm) moet vir oorweging aan die toesighouer voorgelę word.

Let wel:

  1. Geen werknemer mag sy/haar eie verlof aanbeveel nie, bv. 'n prinsipaal of direkteur mag nie aansoek doen om verlof en dan sy/haar eie verlofaansoek aanbeveel nie.

  2. Prinsipale moet hulle verlofaansoekvorms aan hulle IBB-bestuurder, vir oorweging voorlę, en nie aan die voorsitter van die skoolbeheerliggaam nie.
2.5 Nadat kwessies soos operasionele vereistes en of die kandidaat voldoen aan die vereistes vir die soort verlof waarvoor aansoek gedoen is, in oorweging geneem is, sal die toesighouer 'n aanbeveling aan die volgende vlak in die amptelike strukture van die Wes-Kaap Onderwysdepartement (WKOD) doen.
2.6 Die voltooide verlofvorm, saam met die toesighouer se aanbeveling, moet binne 14 dae na ontvangs van die verlofaansoekvorm aan die Hoofkantoor van die WKOD voorgelę word. (Sien Omsendbrief 5 van 2012, van 10 Februarie 2012).

Let wel:
Prinsipale, bestuurders en toesighouers moet in gedagte hou dat om verlofvorms slegs een keer per kwartaal of aan die einde van 'n skoolkwartaal voor te lę, nie aanvaarbaar is nie, en hulle moet hulle nie aan hierdie praktyk skuldig maak nie. Die tydige indiening van verlofaansoekvorms aan die WKOD, word jaarliks deur die kantoor van die Ouditeur-Generaal geoudit, en enige vertraging in hulle indiening, het 'n negatiewe uitwerking op die ouditering van die WKOD. Dit is dus uiters belangrik dat prinsipale, bestuurders en toesighouers hou by die vereiste dat elke aansoek om verlof binne 14 dae na ontvangs daarvan aan die Hoofkantoor van die WKOD voorgelę word (Sien Omsendbrief 5 van 2012, gedateer 10 Februarie 2012).

2.7 Die bevoegdheid om verlof goed te keur berus by die betrokke Menslikehulpbronbeamptes te Hoofkantoor.

3. In gevalle van spesiale verlof (vir oorsese reise, ens.), is dit noodsaaklik dat die aansoek vroegtydig voorgelę word om die Hoofkantoor in staat te stel om die verlof te ooweeg voor die verloftydperk aanbreek.

4. Maak asseblief seker dat hierdie omsendbrief onder die aandag van alle personeel onder u toesig gebring word.


GETEKEN: PA VINJEVOLD
HOOF: ONDERWYS
DATUM: 2014:06:11