1. Sedert die implementering van die Kurrikulum- en Assesseringsbeleidsverklaring (KABV) van 2011 tot 2013, het skole hulle handboeke aanlyn via die Sentrale Onderwysbestuursinligtingstelsel (SOBIS) gekies en bestel deur gebruik te maak van die nasionale lyste wat deur die Departement van Basiese Onderwys voorsien word.
2. Die Wes-Kaap Onderwysdepartement (WKOD) is tans besig om `n aanlyn stelsel, soortgelyk aan die van die vorige aanlyn bestelfasiliteit, vir skole te ontwikkel om bykomende graad 1-12 handboeke te bestel ter voorbereiding van Januarie 2015. Hierdie aanlyn fasiliteit sal op 21 Julie 2014 beskikbaar wees.
3. Skole word versoek om die bestelling van hulle handboeke oordeelkundig te beplan sodat alle leerders handboeke vir alle vakke in Januarie 2015 ontvang. Hou asseblief die beplande inskrywing vir elke graad in 2015 asook die behoud van handboeke in gedagte wanneer die aantal bykomende handboeke vir die bestelling in Julie 2014 bepaal word. Tydens die berekening van u beplande inskrywing vir 2015, moet u die teiken slaagkoers vir elke graad asook nuwe inskrywings, in gedagte hou.
4. Die Norme en Standaarde vir skoolbefondsing (Departement van Onderwys, 2006), vereis dat handboeke geprioritiseer word met die gebruik van hierdie befondsing. Om hierdie rede moet die norme en standaarde-befondsing gebruik word vir al die bykomende handboeke wat in Julie 2014 bestel word, vir gebruik in Januarie 2015.
5. Waar skole kan substansieer dat hulle nie voldoende norme en standaarde-befondsing beskikbaar sal hê vir die aankoop van hulle hele bykomende bestelling nie, kan hulle aansoek doen vir WKOD-bystand. In hierdie verband sal `n profielvorm nader aan die tyd van die aanlyn bestelproses voorsien word.
6. Spesifieke besonderhede oor die aanlyn bestelproses, insluitende datums, sal teen 21 Julie 2014 aan skole gekommunikeer word.
7. Bring asseblief die inhoud van hierdie omsendbrief onder die aandag van alle betrokkenes.


GETEKEN: PA VINJEVOLD
HOOF: ONDERWYS
DATUM: 2014:06:13