| 1. |
Die Wes-Kaap Onderwysdepartement (WKOD) plaas bestellings namens alle nie-artikel 21-skole vir handboeke, onderwysers en leerders se skryfbehoeftes, sowel as skoonmaakmiddels, met ontvangs van hulle rekwisisies. |
| 2. |
Om die administrasie van die bestelproses te verbeter en te bespoedig, sal die WKOD `n aanlyn diens op die SOBIS bekendstel vir nie-artikel 21-skole om hulle leerders en onderwysers se skryfbehoeftes sowel as skoonmaakmiddels vir gebruik in 2015, te bestel. |
| 3. |
Die aanlyn diens sal oop wees vir alle nie-artikel 21-skole via die SOBIS vanaf Dinsdag 17 Junie 2014 tot en met Vrydag 27 Junie 2014. |
| 4. |
Bylaes A tot D (aangeheg) bevat die minimum skryfbehoeftevereistes vir leerders in die Grondslag, Intermediêre en Senior Fases sowel as leerders in die Verdere Onderwys- en Opleidingfase. |
| 5. |
Al die items wat in Bylaes A tot D gelys word, is op die aanlyn skryfbehoefte-katalogus. Skole word aangeraai om Bylaes A tot D as `n gids, vir die voorsiening van leerders se skryfbehoeftes, te gebruik. |
| 6. |
Daar word van skole verwag om hulle Norme-en-standaardebefondsing te gebruik om aanvullende handboeke vir Januarie 2015 te koop sowel as bykomende handboeke weens leerdergroei. Verdere besonderhede in hierdie verband sal voor die einde van hierdie skoolkwartaal gekommunikeer word. Dit is baie belangrik dat skole uiters versigtig is met die bepaling van hoe hulle Norme-en-standaardebefondsing bestuur word, om die beskikbaarheid van voldoende fondse vir alle leerdervereistes te verseker. |
| 7. |
Bring asseblief die inhoud van hierdie omsendbrief onder die aandag van alle betrokke beamptes. |
GETEKEN: PA VINJEVOLD
HOOF: ONDERWYS
DATUM: 2014:06:06
|
 |