| 1. |
Hierdie omsendbrief dien om die datums vir die skryf van die 2014 Jaarlikse Nasionale Assesserings (JNA) vanaf 16 tot 19 September 2014, te bevestig, soos aangedui op die aangehegte rooster. Versuim om by die voorgeskrewe datums en tye te hou, sal 'n assesseringsonreëlmatigheid wees. |
| 3. |
Die volle getal graad 7- en 8- leerders sal nie die JNA in 2014 skryf nie, 'n steekproef van leerders in graad 7 en 8 sal gekies word om die JNA te skryf. Hierdie skole sal geïdentifiseer en vroegtydig ingelig word ten opsigte van die reelings vir die skryf van die JNA. |
| 4. |
Skole moet egter onthou dat die dae waarop die JNA geskryf word, gewone skooldae is en dat onderrig en leer onmiddellik moet voortgaan na elke assessering afgehandel is.
|
| 5. |
Aangesien hierdie 'n nasionale assessering is, sal monitering deur distriksbeamptes, provinsiale beamptes asook teenwoordigers van die Departement van Basiese Onderwys (DBO) behartig word. Let daarop dat monitors slegs toegelaat kan word om 'n eksamen te moniteer indien hulle bewys van identiteit en 'n brief het wat hulle bemagtig om namens die betrokke kantoor te moniteer. |
| 6. |
Nasien en interne moderering van die JNA sal op skoolvlak afgeneem word onder die toesig van die skoolbestuurspan, en moet teen 29 September 2014, afgehandel wees. Daar word van prinsipale verwag om te verseker dat die nasien van die JNA-toetsmateriaal nie gedurende die tyd wat vir onderrig en leer geskeduleer is (klastyd), plaasvind nie. |
| 7. |
Die vaslegging van die gemodereerde JNA punte op die Sentrale Onderwysbestuursinligtingstelsel (SOBIS), moet teen 24 Oktober 2014 afgehandel wees. Skole word versoek om dit tydens hulle beplanning in ag te neem. |
| 8. |
Onderwysdistriksbeamptes en prinsipale word vriendelik versoek om die inhoud van hierdie omsendbrief onder die aandag van personeel, leerders en ouers te bring. |
GETEKEN: PA VINJEVOLD
HOOF: ONDERWYS
DATUM: 2014:05:23
|
 |